ഡോ. അനിത മോഹൻ
പ്രമേഹ രോഗികൾക്കുള്ള ആരോഗ്യഭക്ഷണമായി പല ധാന്യങ്ങളും നിർദേശിച്ചു കാണാറുണ്ട്. എന്നാൽ കാൽസ്യത്തിന്റെ കലവറയും പ്രോട്ടീനും ഫൈബറും കൊണ്ടു സമ്പന്നവുമായ റാഗിയാണ് ഇവർക്ക് ഏറ്റവും നല്ലത്. ഊർജത്തിന്റെ അളവു കുറവായതുകൊണ്ടു പ്രമേഹരോഗികൾക്ക് ആശങ്കയില്ലാതെ കഴിക്കാം ഈ റാഗി ചപ്പാത്തി.
സോഫ്റ്റ് റാഗി ചപ്പാത്തി
റാഗി – ഒരു കപ്പ്
വെള്ളം – ഒരു കപ്പ്
ഉപ്പ് – ആവശ്യത്തിന്
എണ്ണ – ഒരു വലിയ സ്പൂൺ
പാകം ചെയ്യുന്ന വിധം
∙ മാവ് മൃദുവാകുന്നതിനു വേണ്ടി റാഗിപ്പൊടി നന്നായി അരിച്ചെടുക്കണം.
∙ വെള്ളം ഒരു പാനിലൊഴിച്ചു തിളയ്ക്കുമ്പോൾ ആവശ്യത്തിന് ഉപ്പു ചേർക്കുക.
∙ ഇതിലേക്കു റാഗി സാവധാനം ചേർത്ത ശേഷം ഒരു വലിയ സ്പൂൺ എണ്ണ കൂടി ചേർത്തു നന്നായി യോജിപ്പിക്കുക.
∙ ചൂടാറി കഴിഞ്ഞാൽ ചപ്പാത്തി മാവിന്റേതു പോലെ നന്നായി കുഴച്ചെടുക്കുക.
∙ ഉരുളകളാക്കി, ചപ്പാത്തി പരത്തിയെടുത്തു രണ്ടുവശവും തിരിച്ചും മറിച്ചുമിട്ടു ചുട്ടെടുക്കുക.
കടപ്പാട്: ഡോ. അനിത മോഹൻ, ഫോർമർ സ്റ്റേറ്റ് നൂട്രീഷൻ പ്രോഗ്രാം ഓഫിസർ, ഡയറക്റ്ററേറ്റ് ഓഫ് ഹെൽത് സർവീസസ്
