കുമ്പളങ്ങ വട്ടയപ്പം
1.പച്ചരി – ഒന്നരക്കപ്പ്
2.കുമ്പളങ്ങ തൊലി കളഞ്ഞു കഷണങ്ങളാക്കിയത് – മുക്കാൽ കപ്പ്
തേങ്ങ ചുരണ്ടിയത് – അരക്കപ്പ്
പഞ്ചസാര – കാൽ കപ്പ്
യീസ്‌റ്റ് – അര ചെറിയ സ്പൂൺ
3.ഉപ്പ് – പാകത്തിന്
4.കശുവണ്ടിപ്പരിപ്പും ഉണക്കമുന്തിരിയും നെയ്യിൽ വറുത്തത് – പാകത്തിന്
ഏലയ്ക്ക – രണ്ട്, പൊടിച്ചത്
പാകം ചെയ്യുന്ന വിധം
∙പച്ചരി മൂന്നു മണിക്കൂർ കുതിർത്തു കഴുകി വാരി വയ്ക്കുക.
∙മിക്സിയിൽ പച്ചരിയും രണ്ടാമത്തെ ചേരുവയും അൽപം വെള്ളം മാത്രം ചേർത്തു മയത്തിൽ അരയ്ക്കുക. ഇതു മൂന്നു–നാലു മണിക്കൂർ പൊങ്ങാൻ വയ്ക്കണം.
∙ഉപ്പു ചേർത്തു മധുരം പാകത്തിനാക്കി നാലാമത്തെ ചേരുവ ചേർത്തിളക്കുക.
∙മയം പുരട്ടിയ പാത്രത്തിലൊഴിച്ച് ആവിയിൽ വേവിച്ചെടുക്കുക. ചൂടാറിയ ശേഷം കഷണങ്ങളാക്കി വിളമ്പാം.
കടപ്പാട്ഛ
കമല രവീന്ദ്രൻ
