Thursday 12 January 2023 03:14 PM IST : By സ്വന്തം ലേഖകൻ

അപ്പത്തിനും ബ്രെഡിനും ഒപ്പം വിളമ്പാൻ ചിക്കൻ മപ്പാസ്!

mappas354

ചിക്കൻ മപ്പാസ്

1.ചിക്കൻ – അരക്കിലോ

2.മഞ്ഞൾപ്പൊടി – കാൽ ചെറിയ സ്പൂൺ

മുളകുപൊടി – ഒന്നര ചെറിയ സ്പൂൺ

ഉപ്പ് – പാകത്തിന്

3.വെളിച്ചെണ്ണ – രണ്ടു വലിയ സ്പൂൺ

4.പെരുംജീരകം – കാൽ ചെറിയ സ്പൂൺ

5.കറുവാപ്പട്ട – അരയിഞ്ചു കഷണം

ഗ്രാമ്പൂ – നാല്

ഏലയ്ക്ക – മൂന്ന്

6.ചുവന്നുള്ളി – അരക്കപ്പ്

7.ഇഞ്ചി വെളുത്തുള്ളി പേസ്‌റ്റ് – രണ്ടു ചെറിയ സ്പൂൺ

8.ചിക്കൻ മസാല – ഒന്നര വലിയ സ്പൂൺ

9.തേങ്ങാപ്പാൽ – ഒരു കപ്പ്

10.വെളിച്ചെണ്ണ – രണ്ടു വലിയ സ്പൂൺ

കടുക് – ഒരു ചെറിയ സ്പൂൺ

ചുവന്നുള്ളി – അഞ്ച്, അരിഞ്ഞത്

കറിവേപ്പില – ഒരു തണ്ട്

പാകം ചെയ്യുന്ന വിധം

ചിക്കൻ കഴുകി വൃത്തിയാക്കി കഷണങ്ങളാക്കി വയ്ക്കുക.

∙ഇതിലേക്ക് രണ്ടാമത്തെ ചേരുവയും അൽപം വെള്ളവും ചേർത്തു നന്നായി യോജിപ്പിച്ചു വയ്ക്കുക.

∙പാനിൽ എണ്ണ ചൂടാക്കി പെരുംജീരകം പൊട്ടിക്കുക.

∙ഇതിലേക്ക് അഞ്ചാമത്തെ ചേരുവ ചേർത്ത് വഴറ്റണം.

∙ശേഷം ചുവന്നുള്ളി ചേർത്ത് വഴറ്റണം.

∙വഴന്നു വരുമ്പോൾ ഇഞ്ചി വെളുത്തുള്ളി പേസ്‌റ്റ് ചേർത്ത് വഴറ്റണം.

∙പച്ചമണം മാറുമ്പോൾ ചിക്കൻ മസാല ചേർത്തു വഴറ്റുക.

∙ഇതിലേക്ക് ചിക്കനും പാകത്തിനു വെള്ളവും ചേർത്തിളക്കി മൂടി വച്ചു വേവിക്കുക.

∙മുക്കാൽ വേവാകുമ്പോൾ പകുതി തേങ്ങാപ്പാൽ ചേർത്തു തിളപ്പിക്കുക.

∙ബാക്കിയുള്ള തേങ്ങാപ്പാലുകൂടി ചേർത്ത് പത്താമത്തെ ചേരുവ താളിച്ചു വിളമ്പാം.

Tags:
  • Lunch Recipes
  • Easy Recipes
  • Pachakam
  • Breakfast Recipes
  • Non-Vegertarian Recipes