Tuesday 10 January 2023 12:07 PM IST : By സ്വന്തം ലേഖകൻ

ചോറിനും ചപ്പാത്തിക്കും ഒപ്പം രുചിയൂറും കറിവേപ്പില ചിക്കൻ, ഈസി റെസിപ്പി ഇതാ!

curry leaf chick

കറിവേപ്പില ചിക്കൻ

1.ചിക്കൻ – ഒരു കിലോ

2.ഇഞ്ചി – ഒരിഞ്ചു കഷണം

വെളുത്തുള്ളി – ഒരു കുടം

പച്ചമുളക് – പത്ത്

കറിവേപ്പില – 10 തണ്ട്

വറ്റൽമുളക് – മൂന്ന്

ചുവന്നുള്ളി – ഒരു കപ്പ്

3.ഉപ്പ് – പാകത്തിന്

മഞ്ഞൾപ്പൊടി – അര ചെറിയ സ്പൂൺ

കുരുമുളകുപൊടി – ഒരു ചെറിയ സ്പൂൺ

പെരുംജീരകംപൊടി – ഒരു ചെറിയ സ്പൂൺ

4.എണ്ണ – പാകത്തിന്

5.ചുവന്നുള്ളി, അരിഞ്ഞത് – ഒരു കപ്പ്

6.കറിവേപ്പില – രണ്ടു തണ്ട്

പാകം ചെയ്യുന്ന വിധം

∙ചിക്കൻ വൃത്തിയാക്കി ചെറിയ കഷണങ്ങളാക്കി മുറിച്ചു വയ്ക്കുക.

∙രണ്ടാമത്തെ ചേരുവ ചതച്ച് എടുക്കണം.

∙ഒരു വലിയ ബൗളിൽ ചിക്കനും ചതച്ചു വച്ചിരിക്കുന്ന ചേരുവകളും മൂന്നാമത്തെ ചേരുവയും ചേർത്തു നന്നായി യോജിപ്പിച്ച് അര മണിക്കൂർ വയ്ക്കുക.

∙ഇത് ഒരു ചീനച്ചട്ടിയിലാക്കി അൽപം വെള്ളം ഒഴിച്ച് വേവിക്കുക.

∙മുക്കാൽ വേവാകുമ്പോൾ തീ അണയ്ക്കുക.

∙മറ്റൊരു പാനിൽ എണ്ണ ചൂടാക്കി ചുവന്നുള്ളി വഴറ്റമം.

∙ഗോൾഡൻ നിറമാകുമ്പോൾ കറിവേപ്പില ചേർത്തു മൂപ്പിക്കുക.

∙ഇതിലേക്ക് ചിക്കൻ കഷണങ്ങളും ചേർത്തു വറുത്തെടുക്കുക.

Tags:
  • Lunch Recipes
  • Easy Recipes
  • Pachakam
  • Non-Vegertarian Recipes