പെഷ്വാരി ചിക്കന് കബാബ്
1.ചിക്കൻ മിൻസ് – അരക്കിലോ
സവാള– ഒന്ന്, പൊടിയായി അരിഞ്ഞത്
തക്കാളി – ഒന്ന്, പൊടിയായി അരിഞ്ഞത്
പച്ചമുളക് – രണ്ട്, പൊടിയായി അരിഞ്ഞത്
സ്പ്രിങ് അണിയൻ– രണ്ടു തണ്ട്, പൊടിയായി അരിഞ്ഞത്
മല്ലിയില – അരക്കപ്പ്, പൊടിയായി അരിഞ്ഞത്
ഇഞ്ചി–വെളുത്തുള്ളി പേസ്റ്റ് – രണ്ടു ചെറിയ സ്പൂൺ
ഉപ്പ് – പാകത്തിന്
കാശ്മീരി മുളകുപൊടി – ഒരു ചെറിയ സ്പൂൺ
ജീരകംപൊടി – രണ്ടു ചെറിയ സ്പൂൺ
മല്ലി, ചതച്ചത് – ഒന്നര ചെറിയ സ്പൂൺ
ഗരംമസാല – ഒരു ചെറിയ സ്പൂൺ
വറ്റൽ മുളക് ചതച്ചത് – ഒരു ചെറിയ സ്പൂൺ
2.മുട്ട – ഒന്ന്
3.എണ്ണ – രണ്ടു വലിയ സ്പൂൺ
പാകം ചെയ്യുന്ന വിധം
∙ഒരു ബൗളിൽ ഒന്നാമത്തെ ചേരുവ ചേർത്തു നന്നായി യോജിപ്പിച്ചു അര മണിക്കൂർ മാറ്റി വയ്ക്കുക.
∙മറ്റൊരു ബൗളിലേക്ക് മുട്ട പൊട്ടിച്ച് നന്നായി അടിച്ച് പതപ്പിക്കുക.
∙കൈയിൽ അൽപം എണ്ണ പുരട്ടി തയാറാക്കി വച്ചിരിക്കുന്ന ചിക്കൻ മിശ്രിതത്തിൽ നിന്നും ഓരോ ഉരുള വീതം എടുത്ത് പരത്തി മാറ്റി വയ്ക്കുക.
∙ഓരോ കബാബും മുട്ടയിൽ മുക്കി ചൂടായ എണ്ണയിൽ തിരിച്ചും മറിച്ചുമിട്ട് വറുത്തെടുക്കുക.
∙ചൂടോടെ ചട്നിക്കൊപ്പം വിളമ്പാം.