കത്തിരിക്ക വിന്താലു
1. കത്തിരിക്ക – അരക്കിലോ, ഞെടുപ്പോടെ അറ്റം പിളർന്നത്
2. ഉപ്പ് – പാകത്തിന്
മഞ്ഞൾപ്പൊടി – ഒരു ചെറിയ സ്പൂൺ
3. എണ്ണ – അരക്കപ്പ്
4. കശ്മീരിമുളകുപൊടി – നാലു ചെറിയ സ്പൂൺ
ഇഞ്ചി കനം കുറച്ച് അരിഞ്ഞത് – ഒരു ചെറിയ സ്പൂൺ
വെളുത്തുള്ളി – 20 അല്ലി
കടുക് – അര ചെറിയ സ്പൂൺ
ജീരകം – ഒരു ചെറിയ സ്പൂൺ
ഉലുവ – കാൽ ചെറിയ സ്പൂൺ
5. എണ്ണ – ഒരു കപ്പ്
6. കടുക് – രണ്ടു ചെറിയ സ്പൂൺ
7. മഞ്ഞൾപ്പൊടി – അര ചെറിയ സ്പൂൺ
8. സവാള പൊടിയായി അരിഞ്ഞത് – രണ്ടു കപ്പ്
9. തക്കാളി പൊടിയായി അരിഞ്ഞത് – രണ്ടു കപ്പ്
10. വൈറ്റ് വിനിഗർ – രണ്ടു ചെറിയ സ്പൂൺ
ഉപ്പ് – പാകത്തിന്
11. വെളുത്തുള്ളി – നാലു ചെറിയ സ്പൂൺ
ഇഞ്ചി കനം കുറച്ച് അരിഞ്ഞത് – രണ്ടു ചെറിയ സ്പൂൺ
12. വൈറ്റ് വിനിഗർ – നാലു ചെറിയ സ്പൂൺ
13. പഞ്ചസാര – കാൽ ചെറിയ സ്പൂൺ
പാകം ചെയ്യുന്ന വിധം
∙ കത്തിരക്കയിൽ ഉപ്പും മഞ്ഞൾപ്പൊടിയും പുരട്ടി വയ്ക്കുക.
∙ പാനിൽ എണ്ണ ചൂടാക്കി കത്തിരിക്ക ഓരോന്നു വീതം വറുത്തു കോരിയ ശേഷം എണ്ണ വാലാൻ വയ്ക്കണം.
∙ നാലാമത്തെ ചേരുവ അൽപം വെള്ളം ചേർത്തു കുതിർത്തു മയത്തിൽ അരയ്ക്കുക.
∙ ചൂടായ എണ്ണയിൽ കടുകിട്ടു പൊട്ടുമ്പോൾ മഞ്ഞൾപ്പൊടി ചേർത്തു ചെറുതീയിൽ ഇളക്കിയ ശേഷം സവാള ചേർത്ത് ഇളം ചുവപ്പുനിറമാകും വരെ വഴറ്റണം.
∙ ഇതിലേക്ക് അരച്ച മസാല ചേർത്തു വഴറ്റി, തക്കാളി ചേർത്തു തുടരെയിളക്കി വെള്ളം വറ്റി എണ്ണ തെളിയുന്നതു വരെ ചെറുതീയിൽ വഴറ്റുക.
∙ ഇതിൽ വിനാഗിരിയും ഉപ്പും ആവശ്യമെങ്കിൽ അൽപം വെള്ളവും ചേർത്തു ചാറു പകുതി കുറുകുമ്പോൾ വെളുത്തുള്ളിയും ഇഞ്ചിയും ചേർത്തു തിളപ്പിക്കണം.
∙ തിളയ്ക്കുമ്പോൾ ഉടൻ തന്നെ കത്തിരിക്കയും ചേർത്ത് ഒന്നു കൂടി തിളപ്പിച്ച് വിനാഗിരിയിൽ കലക്കിയ പഞ്ചസാര ചേർത്തു തിളപ്പിക്കുക.
∙ ചൂടോടെ വിളമ്പാം.
