തന്റെ ഏറ്റവും വലിയ ആഗ്രഹങ്ങളില് ഒന്നാണ് മമ്മൂട്ടിയോടൊപ്പം അഭിനയിക്കുക എന്ന് മഞ്ജു വാരിയർ. വനിതയ്ക്ക് നല്കിയ പ്രത്യേക അഭിമുഖത്തിലാണ് മഞ്ജു ഇക്കാര്യം തുറന്നു പറയുന്നത്. പണ്ടും മമ്മൂക്കയ്ക്കൊപ്പം അഭിനയിക്കാന് വല്യ ആഗ്രഹമായിരുന്നു. അന്നത് നടന്നില്ല. തിരിച്ചു വന്നശേഷവും ഏറ്റവും ആഗ്രഹത്തോടെ കാത്തിരിക്കുകയാണ് മമ്മൂക്ക എന്ന മഹാനടന്റെയൊപ്പം ഒരു ഫ്രെയിമില് നില്ക്കാന്. മഞ്ജു വാരിയർ പറഞ്ഞു.
‘ആ ഭാഗ്യം ഒന്നു വേറെ തന്നെയാണ്. ഇത്ര നന്നായി സൗന്ദര്യം സൂക്ഷിക്കുന്ന, ഹാന്സം ആയ മെഗാസ്റ്റാര് വേറെ ആരുണ്ട്. അങ്ങനെയൊരു സിനിമ ആരെങ്കിലും സൃഷ്ടിക്കട്ടെ, കൂടെ അഭിനയിക്കാനുള്ള അനുവാദം മമ്മൂക്ക തരട്ടെ, ജീവിതത്തില് ഏറ്റവും പ്രതീക്ഷയോടെ ഞാന് കാത്തിരിക്കുന്ന ഭാഗ്യമാണത്’ മഞ്ജു വനിതയോട് പറയുന്നു.