ഹോളിവുഡ് ചിത്രമായ ‘ഹെഡ്സ് ഓഫ് സ്‌റ്റേറ്റ്’ ന്റെ ഷൂട്ടിങ്ങിനിടെ നടി പ്രിയങ്ക ചോപ്രയ്ക്ക് പരുക്ക്. ചിത്രത്തിന്റെ രണ്ടാം ഭാഗം ചിത്രീകരിക്കുന്നതിനിടെ മുഖത്തിനേറ്റ പരിക്കുകളുടെ ചിത്രം താരം സോഷ്യൽ മീഡിയയിൽ പങ്കുവച്ചു. ഇൻസ്റ്റഗ്രാമിൽ പങ്കുവച്ച ചിത്രത്തിൽ, പ്രിയങ്കയുടെ മുഖത്തിന്റെ വലതു ഭാഗത്ത് സംഭവിച്ച മുറിവുകൾ വ്യക്തമാണ്.
ജോൺ സീനയും ഇദ്രിസ് എൽബയും അഭിനയിക്കുന്ന ഹെഡ്സ് ഓഫ് സ്റ്റേറ്റിൽ, ചില കഠിനമായ സ്റ്റണ്ട് രംഗങ്ങൾ ചിത്രീകരിക്കുന്നതിനിടെയാണ് അപകടം സംഭവിച്ചതെന്നാണ് കരുതുന്നത്. ഫ്രാൻസിലാണ് ഷൂട്ട്.
