ഈ വര്‍ഷം ജീവിതത്തില്‍ താനെടുത്ത ഏറ്റവും നല്ല തീരുമാനം ബ്രേക്കപ്പ് ആയിരുന്നു എന്ന് സോഷ്യൽ മീഡിയ താരവും നടൻ കൃഷ്ണകുമാറിന്റെ മകളുമായ ദിയ കൃഷ്ണ.
‘എന്നെ പരിചയമുള്ളവര്‍ ഇപ്പോള്‍ എന്റെ മുഖത്ത് നോക്കി പറയുന്നത് മുഖത്ത് നല്ല സന്തോഷമാണെന്നാണ്. ബന്ധം വേണ്ടന്നു വച്ചതില്‍ ഞാന്‍ പുള്ളിക്കാരനെ മാത്രം തെറ്റ് പറയില്ല. കാരണം എന്റെ ഭാഗത്തും തെറ്റുണ്ടായിരുന്നു. ചില കാര്യങ്ങള്‍ കണ്ടപ്പോള്‍ തന്നെ മനസിലാക്കണമായിരുന്നു. ഒരിക്കലും ജീവിതത്തില്‍ പിടിച്ചു നിര്‍ത്താന്‍ പാടില്ലായിരുന്നു. ആദ്ദേഹത്തെ പറഞ്ഞു വിടുന്നതിന് പകരം എല്ലാം ശരിയാകുമെന്ന് പറഞ്ഞ് പിടിച്ചു നിര്‍ത്തി. അതുകൊണ്ട് ഞാന്‍ എന്നെ ന്യായീകരിക്കില്ല. എന്റെ ഭാഗത്തും തെറ്റുണ്ട്’.– യൂട്യൂബിലെ ക്യൂ ആന്‍ഡ് എ വിഡിയോയില്‍ ദിയ പറഞ്ഞു.
2023 ല്‍ കുറേ കാര്യങ്ങള്‍ മനസിലാക്കാന്‍ സാധിച്ചു. എങ്ങനെയുള്ള ആളുകളാണ് നമ്മുടെ അടുത്തുവരുന്നത്. എങ്ങനെയുള്ള ആളുകളെ അകത്തി നിര്‍ത്തണം. എങ്ങനെയുള്ളവരെ ചേര്‍ത്തു നിര്‍ത്തണം, ഏതൊക്കെ പയ്യന്മാരാണ് സുഹൃത്തായി കൂടെ നിന്നിട്ട് ഓന്തിന്റെ സ്വഭാവം കാണിച്ചതെന്ന് അറിയാം. അവരില്‍ ചിലരൊക്കെ ഇപ്പോഴും പരിചയത്തിലുണ്ട്. ഞാനവരോട് സംസാരിക്കുകയും ചെയ്യാറുണ്ട് എന്നും ദിയ.
