ചോക്ലെറ്റ് ഡേറ്റ്സ് ഫജ്
1.ഈന്തപ്പഴം – ഒരു കപ്പ്
ചൂടുവെള്ളം – പാകത്തിന്
2.നെയ്യ് – രണ്ടു വലിയ സ്പൂൺ
3.ബദാം, പിസ്ത – ആറു വലിയ സ്പൂൺ
4.കറുവാപ്പട്ട പൊടിച്ചത് – ഒരു നുള്ള്
കൊക്കോ പൗഡർ – ഒരു വലിയ സ്പൂൺ
പോപ്പി സീഡ്സ് – രണ്ടു വലിയ സ്പൂൺ
പാകം ചെയ്യുന്ന വിധം
∙ഈന്തപ്പഴം ചൂടുവെള്ളത്തിൽ 20 മിനിറ്റു കുതിർത്ത് മിക്സിയിൽ അരച്ചു മാറ്റി വയ്ക്കുക.
∙പാനിൽ നെയ്യു ചൂടാക്കി മൂന്നാമത്തെ ചേരുവ വറുത്തെടുക്കണം.
∙ഇതിലേക്കു നാലാമത്തെ ചേരുവയും അരച്ചു വച്ചിരിക്കുന്ന ഈന്തപ്പഴവും ചേർത്തു നന്നായി ഇളക്കി യോജിപ്പിച്ച് പാനിൽ നിന്നും വിട്ടു വരുന്ന പരുവത്തിൽ വാങ്ങുക.
∙ഇതു മയം പുരട്ടിയ പാത്രത്തിൽ നിരത്തി മുകളിൽ കസ്കസ് വിതറി മൂന്നു മണിക്കൂർ ഫ്രിഡ്ജിൽ വയ്ക്കുക.
∙ഇഷ്ടമുള്ള ആകൃതിയിൽ മുറിച്ചു വിളമ്പാം.