റവ ദോശ
1.റവ – ഒരു കപ്പ്
തൈര് – ഒരു കപ്പ്
ഉപ്പ് – പാകത്തിന്
വെള്ളം – പാകത്തിന്
2.എണ്ണ – ഒരു വലിയ സ്പൂൺ
3.കടുക് – അര ചെറിയ സ്പൂൺ
ജീരകം – അര ചെറിയ സ്പൂൺ
4.സവാള – ഒന്ന്, പൊടിയായി അരിഞ്ഞത്
5.കാരറ്റ്, ഗ്രേറ്റ് ചെയ്തത് – ഒരു കപ്പ്
കാബേജ്, പൊടിയായി അരിഞ്ഞത് – ഒരു കപ്പ്
ഉപ്പ് – പാകത്തിന്
6.മഞ്ഞൾപ്പൊടി – കാൽ ചെറിയ സ്പൂൺ
മുളകുപൊടി – ഒരു ചെറിയ സ്പൂൺ
മല്ലിപ്പൊടി – അര ചെറിയ സ്പൂൺ
7.എണ്ണ – പാകത്തിന്
പാകം ചെയ്യുന്ന വിധം
∙ഒരു ബൗളിൽ ഒന്നാമത്തെ ചേരുവ ചേർത്തു യോജിപ്പിച്ചു മാറ്റി വയ്ക്കുക.
∙പാനിൽ എണ്ണ ചൂടാക്കി മൂന്നാമത്തെ ചേരുവ മൂപ്പിക്കുക.
∙സവാള ചേർത്തു വഴറ്റി കണ്ണാടിപ്പരുവമാകുമ്പോൾ അഞ്ചാമത്തെ ചേരുവയും ചേർത്തു വഴറ്റണം.
∙പൊടികൾ ചേർത്തു മൂപ്പിച്ചു പച്ചമണം മാറുമ്പോൾ വാങ്ങുക.
∙തണുക്കുമ്പോൾ തയാറാക്കി വച്ചിരിക്കുന്ന മാവിൽ ചേർത്തു യോജിപ്പിക്കുക.
∙പാകത്തിനു വെള്ളം ചേർത്തു ഇഡ്ഡലി മാവിന്റെ അയവിൽ യോജിപ്പിക്കുക.
∙തവ ചൂടാക്കി എണ്ണ തടവി മാവു കോരിയൊഴിച്ചു ചെറുതായി പരത്തി തിരിച്ചും മറിച്ചുമിട്ടു ചുട്ടെടുക്കാം.
