ചിക്കൻ റോസ്‌റ്റ്
1.ചിക്കൻ – ഒരു കിലോ
2.ഉപ്പ് – പാകത്തിന്
മഞ്ഞൾപ്പൊടി – അര ചെറിയ സ്പൂൺ
കശ്മീരി മുളകുപൊടി – ഒരു വലിയ സ്പൂൺ
ചിക്കൻ മസാല – ഒരു വലിയ സ്പൂൺ
ഇഞ്ചി–വെളുത്തുള്ളി പേസ്‌റ്റ് – ഒരു വലിയ സ്പൂൺ
കുരുമുളകുപൊടി – ഒരു ചെറിയ സ്പൂൺ
നാരങ്ങാനീര് – പകുതി നാരങ്ങയുടേത്
3.വെളിച്ചെണ്ണ – അരക്കപ്പ്
4.വറ്റൽമുളക് – അഞ്ച്–ഏഴ്
പിരിയൻ മുളക് – പത്ത്
കറിവേപ്പില – മൂന്നു തണ്ട്
5.തേങ്ങാക്കൊത്ത് – കാൽ കപ്പ്
6.വെളുത്തുള്ളി, അരിഞ്ഞത് – ഒരു വലിയ സ്പൂൺ
ഇഞ്ചി, അരിഞ്ഞത് – ഒരു വലിയ സ്പൂൺ
പച്ചമുളക് – രണ്ട്, അരിഞ്ഞത്
7.സവാള – രണ്ട്–മൂന്ന്, പൊടിയായി അരിഞ്ഞത്
8.തക്കാളി – മൂന്ന്, പൊടിയായി അരിഞ്ഞത്
9.മഞ്ഞള്‍പ്പൊടി – അര ചെറിയ സ്പൂൺ
കശ്മീരി മുളകുപൊടി – ഒരു വലിയ സ്പൂൺ
മല്ലിപ്പൊടി – ഒരു വലിയ സ്പൂൺ
കറിവേപ്പില – ഒരു തണ്ട്
10.നാരങ്ങാനീര് – രണ്ടു ചെറിയ സ്പൂൺ
പാകം ചെയ്യുന്ന വിധം
∙ചിക്കൻ വൃത്തിയാക്കി ചെറിയ കഷണങ്ങളാക്കി രണ്ടാമത്തെ ചേരുവ ചേർത്ത് ഒരു മണിക്കൂർ മാറ്റി വയ്ക്കുക.
∙പാനിൽ വെളിച്ചെണ്ണ ചൂടാക്കി നാലാമത്തെ ചേരുവ കരിഞ്ഞു പോകാതെ വറുത്തു കോരി പൊടിച്ചു വയ്ക്കണം.
∙ഇതേ എണ്ണയിൽ ചിക്കൻ മുക്കാൽ വേവിൽ വറുത്തു കോരി മാറ്റി വയ്ക്കുക.
∙ബാക്കി എണ്ണയിൽ തേങ്ങാക്കൊത്ത് വഴറ്റണം.
∙ആറാമത്തെ ചേരുവ വഴറ്റി പച്ചമണം മാറുമ്പോൾ സവാള ചേർത്തു നന്നായി വഴറ്റുക.
∙കണ്ണാടിപ്പരുവമാകുമ്പോൾ തക്കാളിയും ചേർത്തു വഴറ്റി വെന്തു വരുമ്പോൾ പൊടികൾ ചേർക്കണം.
∙പൊടികളുടെ പച്ചമണം മാറുമ്പോൾ വറുത്തുവച്ചിരിക്കുന്ന ചിക്കനും പൊടിച്ച മസാലയും ചേർത്തിളക്കി വരട്ടി വാങ്ങാം.
