ഫ്രൈഡ് റൈസ്
1.ചിക്കൻ എല്ലില്ലാതെ – 100 ഗ്രാം, കഷണങ്ങളാക്കിയത്
ചെമ്മീൻ – 100 ഗ്രാം
2.ഉപ്പ്, കുരുമുളകുപൊടി – പാകത്തിന്
3.എണ്ണ – മൂന്നു വലിയ സ്പൂൺ
4.സോസേജ് – രണ്ട്, വട്ടത്തിൽ അരിഞ്ഞത്
5.വെളുത്തുള്ളി – രണ്ട് അല്ലി, പൊടിയായി അരിഞ്ഞത്
6.സവാള – ഒന്ന്, പൊടിയായി അരിഞ്ഞത്
കാരറ്റ് – ഒന്ന്, ഗ്രേറ്റ് ചെയ്തത്
സ്പ്രിങ് അണിയൻ, അരിഞ്ഞത് – കാൽ കപ്പ്
7.ചില്ലി പേസ്റ്റ് – രണ്ടു വലിയ സ്പൂൺ
സോയ സോസ് – മൂന്നു വലിയ സ്പൂൺ
ടുമാറ്റോ കെച്ചപ്പ് – ഒരു വലിയ സ്പൂൺ
പഞ്ചസാര – ഒരു ചെറിയ സ്പൂൺ
ഇഞ്ചി–വെളുത്തുള്ളി പേസ്റ്റ് – ഒരു ചെറിയ സ്പൂൺ
വറ്റൽമുളക് ചതച്ചത് – ഒരു ചെറിയ സ്പൂൺ
ഉപ്പ് – പാകത്തിന്
കുരുമുളകുപൊടി – ഒരു ചെറിയ സ്പൂൺ
വിനാഗിരി – ഒരു ചെറിയ സ്പൂൺ
8.ബസ്മതി അരി, വേവിച്ചത് – രണ്ടു കപ്പ്
പാകം ചെയ്യുന്ന വിധം
∙ഒന്നാമത്തെ ചേരുവയിൽ ഉപ്പും കുരുമുളകുപൊടിയും ചേർത്തു പത്തു മിനിറ്റു വയ്ക്കുക.
∙പാനിൽ എണ്ണ ചൂടാക്കി ചിക്കനും ചെമ്മീനും സോസേജും വെവ്വേറെ വറുത്തു കോരി മാറ്റി വയ്ക്കുക.
∙ഇതേ എണ്ണയിൽ വെളുത്തുള്ളി വഴറ്റി പച്ചമണം മാറുമ്പോൾ ആറാമത്തെ ചേരുവ വഴറ്റണം.
∙ഇതിലേക്കു വറുത്തു വച്ചിരിക്കുന്ന ചിക്കനും ചെമ്മീനും സോസേജും ചേർത്തു യോജിപ്പിക്കണം.
∙ഒരു ബൗളിൽ ഏഴാമത്തെ ചേരുവ യോജിപ്പിച്ചു സോസ് തയാറാക്കി പാനിൽ ചേർത്തു വഴറ്റണം.
∙സോസ് തിളച്ചു തുടങ്ങുമ്പോൾ ബസ്മതി അരി അൽപാൽപം വീതം ചേർത്തു യോജിപ്പിച്ച് എടുക്കുക.
∙മുട്ട ബുൾസ് ഐയും സ്പ്രിങ് അണിയൻ അരിഞ്ഞതും കൊണ്ട് അലങ്കരിച്ചു വിളമ്പാം.