ചില്ലി മോമോസ്
ഫില്ലിങ്ങിന്
1.എണ്ണ – ഒരു ചെറിയ സ്പൂൺ
2.ഇഞ്ചി, പൊടിയായി അരിഞ്ഞത് – ഒരു ചെറിയ സ്പൂൺ
വെളുത്തുള്ളി, പൊടിയായി അരിഞ്ഞത് – ഒരു ചെറിയ സ്പൂൺ
3.സവാള – ഒന്ന്, പൊടിയായി അരിഞ്ഞത്
കാരറ്റ്, പൊടിയായി അരിഞ്ഞത് – അരക്കപ്പ്
ബീൻസ്, പൊടിയായി അരിഞ്ഞത് – അരക്കപ്പ്
കാബേജ്, പൊടിയായി അരിഞ്ഞത് – അരക്കപ്പ്
കാപ്സിക്കം, പൊടിയായി അരിഞ്ഞത് – അരക്കപ്പ
ഉപ്പ്, കുരുമുളകുപൊടി – പാകത്തിന്
4.മൈദ – രണ്ടു കപ്പ്
ഉപ്പ് – പാകത്തിന്
എണ്ണ – ഒരു ചെറിയ സ്പൂൺ
വെള്ളം – പാകത്തിന്
ഗ്രേവിക്ക്
5.എണ്ണ – രണ്ടു വലിയ സ്പൂൺ
6.വെളുത്തുള്ളി, പൊടിയായി അരിഞ്ഞത് – ഒരു വലിയ സ്പൂൺ
7.സവാള – ഒന്ന്, ചതുരക്കഷണങ്ങളാക്കിയത്
കാപ്സിക്കം – ഒന്ന്, ചതുരക്കഷണങ്ങളാക്കിയത്
ഉപ്പ്, കുരുമുളകുപൊടി – പാകത്തിന്
8.ചില്ലി പേസ്‌റ്റ് – രണ്ടു വലിയ സ്പൂൺ
ടുമാറ്റോ കെച്ചപ്പ് – മൂന്നു വലിയ സ്പൂൺ
സോയ സോസ് – ഒരു വലിയ സ്പൂൺ
പാകം ചെയ്യുന്ന വിധം
∙പാനിൽ എണ്ണ ചൂടാക്കി ഇഞ്ചിയും വെളുത്തുള്ളിയും വഴറ്റുക.
∙ഇതിലേക്കു മൂന്നാമത്തെ ചേരുവ ചേർത്തു വഴറ്റി മാറ്റി വയ്ക്കുക.
∙നാലാമത്തെ ചേരുവ യോജിപ്പിച്ചു മാവു തയാറാക്കുക.
∙ഇതു ചെറിയ ഉരുളകളാക്കി പരത്തി ഫില്ലിങ് വച്ചു അരികുകൾ ഒട്ടിച്ചു മോമോസിന്റെ ആകൃതിയിലാക്കുക.
∙ഇത് ആവി വരുന്ന അപ്പച്ചെമ്പിൽ വച്ചു പത്തു മിനിറ്റു വേവിച്ചു മാറ്റി വയ്ക്കണം.
∙പാനിൽ എണ്ണ ചൂടാക്കി വെളുത്തുളളി വഴറ്റുക.
∙ഏഴാമത്തെ ചേരുവ ചേർത്തിളക്കി വഴറ്റുക. ഒരുപാടു വഴന്നു പോകരുത്.
∙സോസുകളും ചേർത്തിളക്കി തയാറാക്കി വച്ചിരിക്കുന്ന മോമോസ് ചേർത്തിളക്കി വാങ്ങാം.
