ഹൈദരാബാദി പനീർ മസാല
1.എണ്ണ – കാൽ കപ്പ്
2.പനീർ – 250 ഗ്രാം, ചതുരക്കഷണങ്ങളാക്കിയത്
3.സവാള – നാല്
വെളുത്തുള്ളി – കാൽ കപ്പ്
പച്ചമുളക് – രണ്ട്, നീളത്തിൽ അരിഞ്ഞത്
ഇഞ്ചി – കാൽ കപ്പ്
4.മല്ലിയില – അരക്കപ്പ്
പുതിനയില – അരക്കപ്പ്
വെള്ളം – പാകത്തിന്
തൈര് – ഒരു കപ്പ്
ഉപ്പ് – പാകത്തിന്
5.എണ്ണ – കാൽ കപ്പ്
6.ജീരകം – ഒരു ചെറിയ സ്പൂൺ
ഗ്രാമ്പൂ – മൂന്ന്
ഏലയ്ക്ക – മൂന്ന്
കറുവാപ്പട്ട – ഒരു ചെറിയ കഷണം
വറ്റൽമുളക് – രണ്ട്
ബേ ലീഫ് – ഒന്ന്
7.മഞ്ഞൾ‌പ്പൊടി – അര ചെറിയ സ്പൂൺ
മല്ലിപ്പൊടി – ഒരു ചെറിയ സ്പൂൺ
ഗരംമസാലപ്പൊടി – ഒരു ചെറിയ സ്പൂൺ
ജീരകംപൊടി – ഒരു ചെറിയ സ്പൂൺ
8.ചൂടുവെള്ളം – ഒന്നരക്കപ്പ്
9.ഫ്രെഷ് ക്രീം – മൂന്നു വലിയ സ്പൂൺ
മല്ലിയില അരിഞ്ഞത് – രണ്ടു വലിയ സ്പൂൺ
കസൂരി മേത്തി – രണ്ടു ചെറിയ സ്പൂൺ
10.ഫ്രെഷ് ക്രീം – അലങ്കരിക്കാൻ
പാകം ചെയ്യുന്ന വിധം
∙പാനിൽ എണ്ണ ചൂടാക്കി പനീർ കഷണങ്ങൾ ഗോൾഡൻ നിറത്തിൽ വറുത്തു കോരി മാറ്റി വയ്ക്കുക.
∙ഇതേ എണ്ണയിൽ മൂന്നാമത്തെ ചേരുവ വഴറ്റണം. സവാള മൃദുവാകുമ്പോൾ തണുക്കാനായി വയ്ക്കണം.
∙മിക്സിയുടെ ജാറിൽ വഴറ്റിയ മൂന്നാമത്തെ ചേരുവയും നാലാമത്തെ ചേരുവയും ചേർത്തു നന്നായി അരച്ചു വയ്ക്കുക.
∙പാനിൽ എണ്ണ ചൂടാക്കി ആറാമത്തെ ചേരുവ വഴറ്റണം.
∙പച്ചമണം മാറുമ്പോൾ അരച്ചു വച്ചിരിക്കുന്ന മിശ്രിതം ചേർത്തു നന്നായി വഴറ്റുക.
∙എണ്ണ തെളിയുമ്പോൾ പൊടികൾ ചേർത്തു വഴറ്റണം.
∙ഇതിലേക്ക് ചൂടുവെള്ളം ഒഴിച്ചു തിളയ്ക്കുമ്പോൾ വറുത്തു വച്ചിരിക്കുന്ന പനീർ കഷണങ്ങൾ ചേർക്കണം.
∙കുറുകി വരുമ്പോൾ ഒൻപതാമത്തെ ചേരുവയും ചേർത്തിളക്കി വാങ്ങാം.
∙ഫ്രെഷ് ക്രീം കൊണ്ട് അലങ്കരിച്ചു വിളമ്പാം.
