വറുത്തരച്ച കടച്ചക്ക കറി
1.കടച്ചക്ക – ഒന്ന്
2.പച്ചമുളക് – രണ്ട്
കറിവേപ്പില – ഒരു തണ്ട്
മഞ്ഞൾപ്പൊടി – കാൽ ചെറിയ സ്പൂൺ
ഉപ്പ് – പാകത്തിന്
വെള്ളം – പാകത്തിന്
3.വെളിച്ചെണ്ണ – ഒരു വലിയ സ്പൂൺ
4.പെരുംജീരകം – ഒരു ചെറിയ സ്പൂൺ
കുരുമുളക് – ഒരു ചെറിയ സ്പൂൺ
തേങ്ങ ചിരകിയത് – ഒരു കപ്പ്
കറിവേപ്പില – ഒരു തണ്ട്
5.മുളകുപൊടി – ഒരു വലിയ സ്പൂൺ
മല്ലിപ്പൊടി – രണ്ടു വലിയ സ്പൂൺ
ഗരംമസാല – ഒരു ചെറിയ സ്പൂൺ
6.വെളിച്ചെണ്ണ – ഒരു വലിയ സ്പൂൺ
7.കടുക് – അര ചെറിയ സ്പൂൺ
ചുവന്നുള്ളി – അഞ്ച്, അരിഞ്ഞത്
വറ്റൽമുളക് – രണ്ട്
കറിവേപ്പില – ഒരു തണ്ട്
പാകം ചെയ്യുന്ന വിധം
∙കടച്ചക്ക തൊലി കളഞ്ഞ് അൽപം വലിയ കഷണങ്ങളാക്കി അരിഞ്ഞു വയ്ക്കണം.
∙മൺചട്ടിയിൽ രണ്ടാമത്തെ ചേരുവയും അരിഞ്ഞു വച്ച കടച്ചക്കയും ചേർത്തു മൂടി വച്ചു വേവിക്കുക.
∙പാനിൽ വെളിച്ചെണ്ണ ചൂടാക്കി നാലാമത്തെ ചേരുവ ചേർത്തു തേങ്ങ ചുവന്നു വരും വരെ വറുക്കുക.
∙തീ അണച്ചതിനു ശേഷം അഞ്ചാമത്തെ ചേരുവ ചേർത്തു മൂപ്പിച്ചു വാങ്ങി തണുക്കുമ്പോൾ നന്നായി അരച്ചെടുക്കണം.
∙ഇത് കടച്ചക്കയിൽ ചേർത്തിളക്കി തിളപ്പിച്ചു കുറുകി വരുമ്പോൾ വാങ്ങാം.
∙വെളിച്ചെണ്ണ ചൂടാക്കി ഏഴാമത്തെ ചേരുവ താളിച്ചു കറിയിൽ ചേർത്തു വിളമ്പാം.