തയാറാക്കിയത്: മെർലി എം. എൽദോ. പാചകക്കുറിപ്പുകള്‍ക്കു കടപ്പാട്: നിഷ ജോർജ് പൂതികോട്ട്, കൊച്ചി.
1. മാഗി നൂഡിൽസ് – രണ്ടു കപ്പ്, വേവിച്ചത്
ഇഞ്ചി – ഒരിഞ്ചു കഷണം, പൊടിയായി അരിഞ്ഞത്
സവാള – രണ്ട്, പൊടിയായി അരിഞ്ഞത്
ചെമ്മീൻ പൊടിയായി അരിഞ്ഞത് – അരക്കപ്പ്
കൂൺ പൊടിയായി അരിഞ്ഞത് – കാൽ കപ്പ്
വറ്റൽമുളക് ചതച്ചത് – കാൽ ചെറിയ സ്പൂൺ
ഉപ്പ്, കുരുമുളകുപൊടി – പാകത്തിന്
2. മുട്ട – ഒന്ന്, അടിച്ചത്
3. വെർമിസെല്ലി – 100 ഗ്രാം
4. എണ്ണ – വറുക്കാൻ ആവശ്യത്തിന്
പാകം ചെയ്യുന്ന വിധം
∙ ഒന്നാമത്തെ ചേരുവ യോജിപ്പിച്ച് ചെറിയ ഉരുളകളാക്കിയ ശേഷം ഇഷ്ടമുള്ള ആകൃതിയിലാക്കുക.
∙ ഇതു മുട്ടയടിച്ചതിൽ മുക്കി വെർമിസെല്ലിയിൽ പൊതിഞ്ഞു ചൂടായ എണ്ണയിൽ വറുത്തു കോരി സോസിനൊപ്പം വിളമ്പാം.
