മട്ടൺ ഡ്രൈ ഫ്രൈ
1.എണ്ണ – നാലു വലിയ സ്പൂൺ
2.ജീരകം – രണ്ടു വലിയ സ്പൂണ്
വഴനയില – നാല്
കറുവാപ്പട്ട – നാലു കഷണം
പച്ച ഏലയ്ക്ക – മൂന്ന്
കറുത്ത ഏലയ്ക്ക – ആറ് വലുത്
3.സവാള – അരക്കിലോ
4.ഇഞ്ചി അരച്ചത് – മൂന്ന് വലിയ സ്പൂൺ
വെളുത്തുള്ളി അരച്ചത് – ഒരു വലിയ സ്പൂൺ
5.മട്ടൺ – ഒരു കിലോ
6.മല്ലിപ്പൊടി – മൂന്നു വലിയ സ്പൂൺ
മഞ്ഞൾപ്പൊടി – അര ചെറിയ സ്പൂൺ
7.തക്കാളി – 250 ഗ്രാം
മല്ലിയില അരിഞ്ഞത് – പാകത്തിന്
8.ഉപ്പ് – പാകത്തിന്
9.ഗരംമസാലപ്പൊടി – രണ്ടു ചെറിയ സ്പൂൺ
പാകം ചെയ്യുന്ന വിധം
പാനിൽ എണ്ണ ചൂടാക്കി, രണ്ടാമത്തെ ചേരുവ യഥാക്രമം ചേർത്തു മൂപ്പിക്കുക.
ഇതിലേക്കു സവാള ചേർത്തു വഴറ്റി ഗോൾഡൻബ്രൗൺ നിറമാകുമ്പോൾ ഇഞ്ചിയും വെളുത്തുള്ളിയും അരച്ചതു ചേർത്തിളക്കണം.
നന്നായി വഴന്ന ശേഷം കഷണങ്ങളാക്കി വച്ചിരിക്കുന്ന മട്ടൺ ചേർത്തിളക്കി ചെറുതീയിൽ വേവിക്കുക.
10 മിനിറ്റിനു ശേഷം മല്ലിപ്പൊടിയും മഞ്ഞൾപ്പൊടിയും അല്പം വെള്ളവും ചേർത്തിളക്കി വേവിക്കണം.
ഇതിലേക്കു തക്കാളിയും മല്ലിയിലയും ചേർത്തിളക്കി വേവിക്കണം.
മട്ടൺ പച്ചപപ്പായ അരച്ചതു പുരട്ടി വച്ചിരിക്കുന്നതാണെങ്കിൽ എളുപ്പം വേവും. അല്ലെങ്കിൽ പ്രഷർകുക്കറിലാക്കി വേവിക്കുക.
പാകത്തിനുപ്പും ചേർത്തിളക്കുക. കറി പോലെ വേണമെങ്കിൽ കൂടുതൽ വെള്ളം ചേർക്കാം.
ഗരംമസാലപ്പൊടി ചേർത്തിളക്കി വാങ്ങുക.