Monday 16 January 2023 04:53 PM IST : By സ്വന്തം ലേഖകൻ

കലക്കൻ രുചിയിൽ മട്ടൺ കബാബ്, തയാറാക്കാം ഈസിയായി!

_MG_0084-copy

1. ഇളം ആട്ടിറച്ചി മിൻസ് ചെയ്തത് – അരക്കിലോ

വെള്ളം – 400 മില്ലി

ഉപ്പ് – പാകത്തിന്

2. എണ്ണ – പാകത്തിന്

3. ജീരകം – ഒരു ചെറിയ സ്പൂൺ

4. വെളുത്തുള്ളി അരിഞ്ഞത് – നാലു ചെറിയ സ്പൂൺ 

ഇഞ്ചി അരിഞ്ഞത് – രണ്ടു ചെറിയ സ്പൂൺ

ഏലയ്ക്ക – നാല്

കറുവാപ്പട്ട – ഒരു കഷണം

കുരുമുളക് – അര ചെറിയ സ്പൂൺ

വറ്റൽമുളക് – രണ്ട്

കടലപ്പരിപ്പ് – 100 ഗ്രാം, കുതിർത്തത്

5. മുട്ട – രണ്ട്

6. പച്ചമുളകു പൊടിയായി അരിഞ്ഞത് – നാലു ചെറിയ സ്പൂൺ  

സവാള പൊടിയായി അരിഞ്ഞത് – 75 ഗ്രാം

7. നെയ്യ് – പാകത്തിന്

പാകം ചെയ്യുന്ന വിധം

∙ ഒന്നാമത്തെ േചരുവ ചുവടുകട്ടിയുള്ള പാത്രത്തിലാക്കി വേവിക്കുക. വെള്ളം മുഴുവൻ വറ്റി, ഇറച്ചി നന്നായി വേവണം. ചൂടാറിയ ശേഷം മയത്തിൽ അരച്ചെടുക്കുക.

∙ പാനിൽ അൽപം എണ്ണ ചൂടാക്കി ജീരകം മൂപ്പിച്ച ശേഷം നാലാമത്തെ ചേരുവ ചേർത്തു വഴറ്റി ചൂടാറിയ ശേഷം അ രച്ചെടുക്കുക.

∙ ഇത് ഇറച്ചി മിശ്രിതത്തിൽ ചേർത്തു യോജിപ്പിച്ചു മയമുള്ള പേസ്റ്റ് തയാറാക്കുക.

∙ ഇതിലേക്കു മുട്ട അടിച്ചതു ചേർത്തു യോജിപ്പിച്ച ശേഷം പ ച്ചമുളകും സവാളയും ചേർത്തു വീണ്ടും യോജിപ്പിക്കുക.

∙ ഈ മിശ്രിതം നാരങ്ങാവലുപ്പമുള്ള ചെറിയ ഉരുളകളാക്കി, കൈ കൊണ്ടു മെല്ലേ അമർത്തുക. പാനിൽ നെയ്യ് ചൂടാക്കി ചെറുതീയിൽ വച്ച് കബാബുകള്‍ ചേർത്ത് ഇളം ഗോൾഡൻബ്രൗൺ നിറത്തിൽ വറുത്തു കോ രുക.

∙ മല്ലിയില കൊണ്ട് അലങ്കരിച്ച്, സാലഡിനും സോസി നും ഒപ്പം ചൂടോടെ വിളമ്പാം.