ചിക്കൻ ടിക്ക
1.ചിക്കൻ എല്ലില്ലാതെ – ഒരു കിലോ
2.തൈര് – ഒരു കപ്പ്
മല്ലിപ്പൊടി – ഒന്നു രണ്ടു വലിയ സ്പൂൺ
ഇഞ്ചി അരച്ചത് – രണ്ടു വലിയ സ്പൂൺ
വെളുത്തുള്ളി അരച്ചത് – മൂന്നു വലിയ സ്പൂൺ
ഉപ്പ് – ഒന്നര വലിയ സ്പൂൺ
ഗരംമസാലപ്പൊടി – ഒരു വലിയ സ്പൂൺ
വറ്റൽമുളക് – രണ്ടു–മൂന്ന്
മുളകുപൊടി – ഒരു ചെറിയ സ്പൂൺ
നാരങ്ങാനീര് – മൂന്നു വലിയ സ്പൂൺ
ഏലയ്ക്ക –നാല്, തൊലി കളഞ്ഞു പൊടിച്ചത്
കറുവാപ്പട്ട പൊടിച്ചത് – ഒരു ചെറിയ സ്പൂൺ
3.സവാള – രണ്ടു വലുത്
പച്ച കാപ്സിക്കം – രണ്ട്
4.ഒലിവ് ഓയിൽ – പാകത്തിന്
5.ചാട്ട് മസാല – പാകത്തിന്
6.സവാള വളയങ്ങൾ, നാരങ്ങാക്കഷണം – അലങ്കരിക്കാൻ
പാകം ചെയ്യുന്ന വിധം
∙ചിക്കൻ വൃത്തിയാക്കി, ടിക്കയുടെ വലുപ്പത്തിൽ ചെറിയ കഷണങ്ങളാക്കി ഫോർക്ക് കൊണ്ട് അങ്ങിങ്ങു കുത്തിവയ്ക്കുക.
∙ഒരു വലിയ പ്ലാസ്റ്റിക് ബൗളിൽ രണ്ടാമത്തെ ചേരുവ യോജിപ്പിച്ചു വയ്ക്കുക.
∙ഇതിലേക്കു ചിക്കനും ചേർത്തു നന്നായി പുരട്ടി 24 മണിക്കൂർ അനക്കാതെ വയ്ക്കുക.
∙സവാളയും കാപ്സിക്കവും ചതുരത്തിൽ ചിക്കൻ കഷണങ്ങളുടെ വലുപ്പത്തിൽ മുറിക്കുക.
∙ഇനി പുരട്ടിവച്ചിരിക്കുന്ന ചിക്കനും സവാള, കാപ്സിക്കം എന്നിവല മുറിച്ചതും നീളമുള്ള സ്ക്യൂവേഴ്സിൽ ഇടവിട്ടു കോർത്തു വയ്ക്കണം.
∙ഇതിൽ ഒലിവ് ഓയിൽ സ്പ്രേ ചെയ്ത് 200–230 C ൽ ചൂടാക്കിയിട്ടിരിക്കുന്ന അവ്നിൽ 20 മിനിറ്റ് വയ്ക്കുക. ഉണങ്ങി വരണ്ടു പോകരുത്.
∙ചാട്ട് മസാല വിതറി സവാള വളയങ്ങളും നാരങ്ങാക്കഷണങ്ങളും കൊണ്ട് അലങ്കരിക്കുക.
∙പുതിന ചട്നിക്കൊപ്പം വിളമ്പാം.