വെണ്ടയ്ക്ക മോരുകറി
1.വെളിച്ചെണ്ണ – ഒരു വലിയ സ്പൂൺ
2.വെണ്ടയ്ക്ക – 150 ഗ്രാം, വട്ടത്തിൽ അരിഞ്ഞത്
3.വെളിച്ചെണ്ണ – ഒരു വലിയ സ്പൂൺ
4.കടുക് – അര ചെറിയ സ്പൂൺ
ഉലുവ – കാൽ ചെറിയ സ്പൂൺ
ജീരകം – ഒരു ചെറിയ സ്പൂൺ
5.വറ്റൽമുളക് – രണ്ട്
ഇഞ്ചി – ഒരിഞ്ചു കഷണം, ചതച്ചത്
വെളുത്തുളളി – നാല് അല്ലി, ചതച്ചത്
പച്ചമുളക് – രണ്ട്, അരിഞ്ഞത്
കറിവേപ്പില – ഒരു തണ്ട്
6.സവാള – ഒന്നിന്റെ പകുതി, അരിഞ്ഞത്
7.മഞ്ഞൾപ്പൊടി – അര ചെറിയ സ്പൂൺ
മുളകുപൊടി – കാൽ ചെറിയ സ്പൂൺ
8.തക്കാളി – ഒന്ന്, അരിഞ്ഞത്
ഉപ്പ് – പാകത്തിന്
9.തൈര് – ഒരു കപ്പ്, ഉടച്ചത്
പാകം ചെയ്യുന്ന വിധം
∙പാനില് വെളിച്ചെണ്ണ ചൂടാക്കി വെണ്ടയ്ക്ക രണ്ടു മിനിറ്റു വഴറ്റി മാറ്റി വയ്ക്കണം.
∙മൺചട്ടിയിൽ വെളിച്ചെണ്ണ ചൂടാക്കി നാലാമത്തെ ചേരുവ മൂപ്പിക്കുക.
∙അഞ്ചാമത്തെ ചേരുവ ചേർത്തു വഴറ്റി പച്ചമണം മാറുമ്പോൾ സവാള ചേർത്തു വഴറ്റണം.
∙പൊടികൾ ചേർത്തു വഴറ്റിയ ശേഷം തക്കാളിയും പാകത്തിനുപ്പും ചേർത്തു വഴറ്റുക.
∙ഇതിലേക്കു വഴറ്റി വച്ചിരിക്കുന്ന വെണ്ടയ്ക്ക ചേർത്തു ഒരു മിനിറ്റു വഴറ്റി ഉടച്ചു വച്ചിരിക്കുന്ന തൈരും ചേർത്തിളക്കി യോജിപ്പിക്കണം.
∙തൈരു നന്നായി ചൂടാകുമ്പോള് വാങ്ങുക.
∙ചോറിനൊപ്പം വിളമ്പാം.