ചിക്കൻ മസാല
1.ചിക്കൻ – ഒരു കിലോ
2.ഇഞ്ചി–വെളുത്തുള്ളി പേസ്റ്റ് – രണ്ടു വലിയ സ്പൂൺ
കട്ടത്തൈര് – അരക്കപ്പ്
മഞ്ഞൾപ്പൊടി – ഒരു ചെറിയ സ്പൂൺ
മുളകുപൊടി – ഒരു ചെറിയ സ്പൂൺ
കശ്മീരി മുളകുപൊടി – ഒരു വലിയ സ്പൂൺ
മല്ലിപ്പൊടി – ഒരു വലിയ സ്പൂൺ
ജീരകംപൊടി – ഒരു ചെറിയ സ്പൂൺ
കുരുമുളകുപൊടി – ഒരു ചെറിയ സ്പൂൺ
നാരങ്ങാനീര് – ഒരു വലിയ സ്പൂൺ
ഉപ്പ് – പാകത്തിന്
3.എണ്ണ – കാൽ കപ്പ്
4.ജീരകം – ഒരു ചെറിയ സ്പൂൺ
വറ്റൽമുളക് – മൂന്ന്
ഏലയ്ക്ക – നാല്
കുരുമുളക് – ഒരു ചെറിയ സ്പൂൺ
ഗ്രാമ്പൂ – മൂന്ന്
ബേ ലീഫ് – രണ്ട്
കറുവാപ്പട്ട – ഒരു ചെറിയ കഷണം
5.സവാള – മൂന്ന്, അരിഞ്ഞത്
6.തക്കാളി – നാല്, അരച്ചത്
7.മല്ലിയില, അരിഞ്ഞത് – കാൽ കപ്പ്
ഇഞ്ചി, നീളത്തിൽ അരിഞ്ഞത് – ഒരു വലിയ സ്പൂൺ
ഗരംമസാലപ്പൊടി – അര ചെറിയ സ്പൂൺ
പാകം ചെയ്യുന്ന വിധം
∙ചിക്കൻ കഴുകി വൃത്തിയാക്കി വലിയ കഷണങ്ങളാക്കി മുറിച്ചു രണ്ടാമത്തെ ചേരുവ ചേർത്തു യോജിപ്പിച്ച് അരമണിക്കൂർ വയ്ക്കുക.
∙പാനിൽ എണ്ണ ചൂടാക്കി നാലാമത്തെ ചേരുവ വഴറ്റണം.
∙സവാള ചേർത്തു വഴറ്റി ഗോൾഡൻ ബ്രൗൺ നിറമാകുമ്പോൾ ചിക്കൻ ചേർത്തു വഴറ്റി മൂടി വച്ചു വേവിക്കണം.
∙മുക്കാൽ വേവാകുമ്പോൾ തക്കാളി അരച്ചതു ചേർത്ത് എണ്ണ തെളിയുന്നതു വരെ വഴറ്റണം.
∙ഏഴാമത്തെ ചേരുവയും ചേർത്തിളക്കി വാങ്ങാം.