ഡൈനമൈറ്റ് പ്രോൺസ്
1.ചെമ്മീൻ, തൊണ്ടും നാരും കളഞ്ഞത് – 300 ഗ്രാം
2.ഇഞ്ചി–വെളുത്തുള്ളി പേസ്‌റ്റ് – ഒരു വലിയ സ്പൂൺ
ഉപ്പ് – പാകത്തിന്
വിനാഗിരി – കാൽ കപ്പ്
വെള്ളം – ഒരു കപ്പ്
3.മുട്ട – രണ്ട്
കുരുമുളകുപൊടി – പാകത്തിന്
സോയ സോസ് – ഒരു ചെറിയ സ്പൂൺ
ഉപ്പ് – പാകത്തിന്
4.മൈദ – അരക്കപ്പ്
കോൺഫ്ലോർ – അരക്കപ്പ്
കശ്മീരി മുളകുപൊടി – ഒരു വലിയ സ്പൂൺ
ഉപ്പ് – പാകത്തിന്
കുരുമുളകുപൊടി – പാകത്തിന്
5.എണ്ണ – വറുക്കാൻ പാകത്തിന്
ഡൈനമൈറ്റ് സോസിന്
6.മയോണീസ് – ഒരു കപ്പ്
സ്വീറ്റ് ചില്ലി സോസ് – അരക്കപ്പ്
ശ്രീരച്ച സോസ് – നാലു വലിയ സ്പൂൺ
പാകം ചെയ്യുന്ന വിധം
∙ഒരു വലിയ ബൗളിൽ ചെമ്മീനും രണ്ടാമത്തെ ചേരുവയും ചേർത്തു യോജിപ്പിച്ചു പത്തു മിനിറ്റു വയ്ക്കുക.
∙മൂന്നാമത്തെ ചേരുവ നന്നായി അടിച്ചു പതപ്പിച്ചു വയ്ക്കുക.
∙മറ്റൊരു ബൗളിൽ നാലാമത്തെ ചേരുവ യോജിപ്പിച്ചു വയ്ക്കണം.
∙ചെമ്മീൻ ഒരോന്നും എടുത്ത് മുട്ട മിശ്രിതത്തിൽ മുക്കി മൈദ മിശ്രിതത്തിൽ പൊതിയുക.
∙ഇതു ചൂടായ എണ്ണയിൽ വറുത്തു കോരി വയ്ക്കണം.
∙ആറാമത്തെ ചേരുവ നന്നായി യോജിപ്പിച്ചു സോസ് തയാറാക്കുക.
∙വറുത്തു വച്ചിരിക്കുന്ന ചെമ്മീൻ സോസിൽ ചേർത്തു യോജിപ്പിച്ച് സ്പ്രിങ് അണിയനും ലെറ്റൂസും കൊണ്ട് അലങ്കരിച്ചു വിളമ്പാം.
