ചെമ്മീൻ കൊണ്ടു തീയലും റോസ്‌റ്റും ഫ്രൈയും ഒക്കെ തയാറാക്കിയിട്ടുണ്ടാകും. എന്നാൽ ഇങ്ങനെ ഒരു വിഭവം ഇതാദ്യമായിരിക്കും.
ചേരുവകൾ
∙ചെമ്മീൻ - 35-40 എണ്ണം
∙മുളകുപൊടി - 1 ടേബിൾ സ്പൂണ്‍
∙കുരുമുളകുപൊടി - ½ ടീസ്പൂണ്
∙മഞ്ഞൾപൊടി - ½ ടീസ്പൂണ്
∙ഇഞ്ചി വെളുത്തുള്ളി പേസ്റ്റ് - 1½ ടീസ്പൂൺ
∙നാരങ്ങ നീര് - ½ നാരങ്ങയുടേത്
∙ഉപ്പ്
∙മുട്ട – 2
∙മൈദ – ½ കപ്പ്
∙ചോളപ്പൊടി - 1/2 കപ്പ്
∙എണ്ണ - വറുക്കാൻ
തയാറാക്കുന്ന വിധം
∙ചെമ്മീൻ വൃത്തിയാക്കി എടുക്കുക. ചെമ്മീനിന്റെ വാലിന് തൊട്ടു മുകളിൽ വരെ ഞരമ്പിന്റെ മുകളിൽ കത്തി വച്ച് വരഞ്ഞ് ഒന്ന് പ്രസ്സ് ചെയ്തു പരത്തി എടുക്കുക. മുകളിൽ ഒരു ചിത്രശലഭം പോലെ കാണപ്പെടും. ചെമ്മീൻ രണ്ട് കഷണങ്ങളായി പിളരുന്നില്ലെന്ന് ഉറപ്പാക്കുക.
∙മുളകുപൊടി, കുരുമുളകുപൊടി, മഞ്ഞൾപ്പൊടി, ഇഞ്ചി വെളുത്തുള്ളി പേസ്റ്റ്, നാരങ്ങ നീര്, ഉപ്പ് എന്നിവ ചേർക്കുക. മൃദുവായി യോജിപ്പിച്ച് 20 മിനിറ്റ് മാറ്റി വയ്ക്കാം.
∙ഒരു ചെറിയ പാത്രത്തിൽ 2 മുട്ടയും ഉപ്പും ചേർക്കുക. നന്നായി അടിച്ചു എടുക്കുക.
∙ഒരു പ്ലേറ്റിലേക്ക് മൈദ, ചോളപ്പൊടി, ഉപ്പ്, ¼ ടീസ്പൂൺ കുരുമുളക് എന്നിവ ചേർത്ത് നന്നായി ഇളക്കി യോജപ്പിക്കുക (നിങ്ങൾക്ക് ഇഞ്ചി പൊടി, വെളുത്തുള്ളി പൊടി എന്നിവയും ചേർക്കാം).
∙ചെമ്മീൻ മുട്ടയുടെ മിശ്രിതത്തിൽ മുക്കി മൈദയില്‍ കോട്ട് ചെയ്ത്, ചെമ്മീനിൽ നിന്ന് അധിക മൈദ മിശ്രിതം നീക്കം ചെയ്യാൻ ചെമ്മീൻ നന്നായി കുടഞ്ഞു എടുക്കാം.
∙ഉയർന്ന തീയിൽ എണ്ണയിൽ 4 മിനിറ്റ് ഫ്രൈ ചെയ്യുക. എണ്ണയിൽ നിന്ന് നീക്കം ചെയ്ത് ടിഷ്യു പേപ്പറിൽ വയ്ക്കുക.
∙ഇത് മയോണൈസ് അല്ലെങ്കിൽ കെച്ചപ്പ് ഉപയോഗിച്ച് വിളമ്പാം. ഒരു കിടിലൻ സ്റ്റാർട്ടർ റെഡി.
