മുള്ളങ്കി അച്ചാർ
1.മുള്ളങ്കി – അരക്കിലോ (വെളുത്ത മുള്ളങ്കിയും ചുവന്ന മുള്ളങ്കിയും സമം എടുക്കണം)
2.എണ്ണ – നാലു വലിയ സ്പൂൺ
3.കടുക് – രണ്ടു ചെറിയ സ്പൂൺ
കറിവേപ്പില – രണ്ടു തണ്ട്
4.മുളകുപൊടി – രണ്ടു വലിയ സ്പൂൺ
ഉലുവാപ്പൊടി – ഒരു ചെറിയ സ്പൂൺ
കായംപൊടി – ഒരു ചെറിയ സ്പൂൺ
5.വെളുത്തുള്ളി – രണ്ടു കുടം
6.ഉപ്പ് – പാകത്തിന്
7.വിനാഗിരി – അരക്കപ്പ്
പാകം ചെയ്യുന്ന വിധം
മുള്ളങ്കി തൊലികളഞ്ഞു വൃത്തിയാക്കി ഒരിഞ്ചു നീളത്തിൽ കനം കുറച്ച് അരിഞ്ഞു വയ്ക്കുക.
ചീനച്ചട്ടിയിൽ എണ്ണ ചൂടാക്കി, കടുകും കറിവേപ്പിലയും മൂപ്പിച്ചശേഷം തീ അണയ്ക്കുക.
ഇതിലേയ്ക്കു നാലാമത്തെ ചേരുവ ചേർത്തു വഴറ്റുക.
വെളുത്തുള്ളി തൊലി കളഞ്ഞ് അല്ലികൾ മുഴുവനോടെ എടുത്തതും ചേർത്തു തിരികെ അടുപ്പത്തു വച്ചു നന്നായി വഴറ്റുക.
ഇതിൽ ഉപ്പും അരിഞ്ഞുവച്ചിരിക്കുന്ന മുള്ളങ്കിക്കഷണങ്ങളും ചേർത്തിളക്കണം.
വിനാഗിരിയും ചേർത്തിളക്കി തിള വരുമ്പോൾ ഉപ്പു പാകത്തിനാക്കി വാങ്ങുക
ചൂടാറിയശേഷം കുപ്പിയിലാക്കി ഫ്രിഡ്ജിൽ സൂക്ഷിക്കാം.
ഒരു ദിവസത്തിനുശേഷം ഉപയോഗിക്കാം.