തെന്നിന്ത്യൻ പ്രേക്ഷകർ ഏറെ ആവേശത്തോടെ കാത്തിരിക്കുന്ന ചിത്രമാണ് കമൽഹാസനെ നായകനാക്കി മണിരത്നം സംവിധാനം ചെയ്യുന്ന തഗ് ലൈഫ്.
ഇപ്പോഴിതാ ചിത്രത്തിന്റെ ലൊക്കേഷനില് നിന്നുള്ള ഒരു സ്റ്റില് ആണ് സോഷ്യല് മീഡിയയില് വൈറല് ആകുന്നത്.
ചിത്രത്തില് മറ്റ് ശ്രദ്ധേയ കഥാപാത്രങ്ങളെ അവതരിപ്പിക്കുന്ന സിമ്പു, നാസര്, അഭിരാമി, വൈയാപുരി തുടങ്ങിയവരെ കമലിനൊപ്പം ചിത്രത്തില് കാണാം.
അധികം നീട്ടാത്ത താടിക്കൊപ്പം പറ്റെ വെട്ടിയ തലമുടിയാണ് ചിത്രത്തില് കമല് ഹാസന്റെ ഗെറ്റപ്പ്. സിമ്പുവിന്റെ ലുക്കും ആരാധകർ ആഘോഷമാക്കുന്നുണ്ട്.
ദില്ലിയിലെ പല ലൊക്കേഷനുകളിലും ചിത്രീകരണമുള്ള സിനിമയില് അലി ഫസല്, സാന്യ മല്ഹോത്ര, പങ്കജ് ത്രിപാഠി തുടങ്ങിയവരും അഭിനയിക്കുന്നുണ്ട്.