ആപ്പിള്‍ പൈ
1.വെണ്ണ – രണ്ടു വലിയ സ്പൂൺ
2.ആപ്പിൾ – മൂന്ന്, തൊലി കളഞ്ഞു ചെറിയ കഷണങ്ങളാക്കിയത്
3.കറുവാപ്പട്ട പൊടിച്ചത് – ഒന്നര ചെറിയ സ്പൂൺ
ബ്രൗൺ ഷുഗർ – 60 ഗ്രാം
നാരങ്ങനീര് – ഒരു നാരങ്ങയുടേത്
ഉപ്പ് – കാൽ ചെറിയ സ്പൂൺ
4.കോൺഫ്ലോർ – മൂന്നു ചെറിയ സ്പൂൺ
വെള്ളം – ഒരു വലിയ സ്പൂൺ
5.പഫ് പേസ്ട്രി – ഒരു ഷീറ്റ്
6.മുട്ട – ഒന്ന്, അടിച്ചത്
7.സിന്നമൺ ഷുഗർ – പാകത്തിന്
പാകം ചെയ്യുന്ന വിധം
∙അവ്ൻ 2000 ൽ ചൂടാക്കിയിടുക.
∙പാനിൽ വെണ്ണ ചൂടാക്കി ആപ്പിൾ ചേർത്തു ഒരു മിനിറ്റു വഴറ്റുക.
∙ഇതിലേക്കു മൂന്നാമത്തെ ചേരുവ ചേര്‍ത്തു വേവിക്കുക.
∙അപ്പിൾ വെന്തു വരുമ്പോൾ കോൺഫ്ലോർ വെള്ളത്തിൽ കലക്കിയതും ചേർത്തിളക്കി യോജിപ്പിക്കുക.
∙കുറുകി വരുമ്പോൾ വാങ്ങി തണുപ്പിക്കുക.
∙പഫ് പേസ്ട്രി നീളത്തിൽ മുറിച്ചു നടുവിലായി ഫില്ലിംങ് നിറച്ചു മടക്കി അരികുകൾ ഫോർക്കു കൊണ്ടു അമർത്തി വയ്ക്കുക.
∙നടുവിൽ കത്തികൊണ്ടു വരയണം.
∙മുകളിൽ മുട്ട അടിച്ചതു ബ്രഷ് ചെയ്തു സിന്നൺ ഷുഗർ വിതറി
അഞ്ചു മിനിറ്റു ഫ്രീസറിൽ വയ്ക്കുക.
∙ചൂടായ അവ്നിൽ വച്ചു 25–30 മിനിറ്റു ബേക്ക് ചെയ്തെടുക്കുക. ഗോൾഡൻ നിറമാകുന്നതാണു പാകം.
