ബീഫ് ഡ്രൈ ഫ്രൈ
1.ബീഫ് – അരക്കിലോ
2.മഞ്ഞൾപ്പൊടി – അര ചെറിയ സ്പൂൺ
മുളകുപൊടി – അര ചെറിയ സ്പൂൺ
ഉപ്പ് – പാകത്തിന്
3.കോൺഫ്ളോർ – അരക്കപ്പ്
വിനാഗിരി – അര ചെറിയ സ്പൂൺ
സോയ സോസ് – അര വലിയ സ്പൂൺ
വറ്റൽമുളകു ചതച്ചത് – ഒരു വലിയ സ്പൂൺ
മഞ്ഞൾപ്പൊടി – കാൽ ചെറിയ സ്പൂൺ
കുരുമുളകുപൊടി – അര ചെറിയ സ്പൂൺ
ഗരംമസാല പൊടി – അര ചെറിയ സ്പൂൺ
കശ്മീരി മുളകുപൊടി – ഒരു ചെറിയ സ്പൂൺ
ഇഞ്ചി–വെളുത്തുള്ളി പേസ്റ്റ് – ഒരു വലിയ സ്പൂൺ
ബീഫ് സ്റ്റോക്ക് – അരക്കപ്പ്
4.എണ്ണ – വറുക്കാൻ ആവശ്യത്തിന്
5.കറിവേപ്പില – ഒരു തണ്ട്
പച്ചമുളക് – നാല്, നീളത്തിൽ അരിഞ്ഞത്
പാകം ചെയ്യുന്ന വിധം
∙ബീഫ് രണ്ടാമത്തെ ചേരുവ ചേർത്തു വേവിച്ചു നീളത്തിൽ അരിഞ്ഞു വയ്ക്കുക.
∙മൂന്നാമത്തെ ചേരുവ യോജിപ്പിച്ചു മാവു തയാറാക്കി ബീഫ് ചേർത്തു നന്നായി ഇളക്കി യോജിപ്പിക്കണം. ബീഫിൽ മാവു നന്നായി പൊതിഞ്ഞിരിക്കണം.
∙പാനിൽ എണ്ണ ചൂടാക്കി ബീഫ് കഷണങ്ങൾ ചേർത്തു തിരിച്ചും മറിച്ചുമിട്ടു വറുത്തു കോരാം.
∙ഇതേ എണ്ണയിൽ കറിവേപ്പിലയും പച്ചമുളകും വറുത്തു കോരി ബീഫിന്റെ മുകളിൽ വിതറി ചൂടോടെ വിളമ്പാം.