കുടുംബാംഗങ്ങൾ ഒരുമിച്ചു പാചകം ചെയ്യുന്നതിന്റെ ഏറ്റവും വലിയ ഗുണമാണു വേഗത. ഇപ്പോൾ അതിനു സഹായിക്കാൻ നിരവധി അടുക്കള ഉപകരണങ്ങൾ വിപണിയിൽ ലഭിക്കുന്നുമുണ്ട്. ‘ഹോ, ഈ ചോറൊക്കെ തനിയേ വെന്തിരുന്നെങ്കിൽ...’ ‘ചോദിക്കുന്നതെന്തും തരുന്ന അക്ഷയപാത്രം അടുക്കളയിലുണ്ടായിരുന്നെങ്കിൽ....’ ഇത്തരം മനോഗതങ്ങളുടെയൊന്നും ആവശ്യമേ ഇനിയില്ല.
അടുക്കളയിലും വീട്ടുകാരുടെ ഹൃദയത്തിലും സ്ഥാനം നേടിയതും മീഡിയം പ്രൈസ് റേഞ്ച് ഉള്ളതുമായ ചില ഉപകരണങ്ങൾ പരിചയപ്പെടാം. സ്വിച്ചിട്ട വേഗത്തിൽ പാചകം നടക്കട്ടെ.
3 in 1 Multi Maker
സാൻവിച്ച്, വാഫിൾസ്, ഗ്രിൽ എന്നിങ്ങനെ മൂന്നു തരം വിഭവങ്ങൾ തയാറാക്കാൻ സഹായിക്കും. വിഭവത്തിനനുസരിച്ച് അനുയോജ്യമായ പ്ലേറ്റ് ക്രമീകരിക്കണം. വൈദ്യുതി ഉപയോഗം തീരെ കുറവ്. വില–2999 രൂപ.
Electric Frying Pan
പാനിൽ എണ്ണയൊഴിച്ച് കറണ്ടിൽ കുത്തിയാൽ വറപൊരികളെല്ലാം വേഗത്തിൽ തയാറാക്കാം. മുകളിലുള്ള തട്ട് ഭക്ഷണം ചൂടാക്കാനോ ആവിയിൽ വേവിക്കാനോ ഉപയോഗിക്കാം. വില–2000 രൂപ
Coffee Maker with Serving Jar
ധൃതിയിൽ കാപ്പിയുടെ പാകം തെറ്റിപ്പോകാതെ കൃത്യമായി ആറു കപ്പ് കാപ്പി ദേ, ഈ മെഷീൻ ഉണ്ടാക്കി ജാറിലാക്കിത്തരും. ഓരോ തവണയും വെള്ളം പാകത്തിനു കൊടുത്താൽ മാത്രം മതി.
വില – 2450 രൂപ.
Electric Blender & Grinder
മൃദുവായ പഴങ്ങൾ അരച്ചെടുക്കാൻ ബ്ലെൻഡറിനു നിമിഷങ്ങൾ ധാരാളം. സ്മൂത്തിയുണ്ടാക്കാനും മസാലകൾ പൊടിച്ചെടുക്കാനും ഇതു മതി. 1500 മുതൽ 2500 രൂപ വരെയാണു വിലനിലവാരം.
Automatic Rice cooker
അരി കഴുകി ഇരട്ടി വെള്ളമൊഴിച്ച് ഇലക്ര്ടിക് കുക്കറിൽ വച്ചു സ്വിച്ചോണാക്കിയ ശേഷം വിശ്രമിച്ചോളൂ. വിളമ്പാൻ സമയത്തു ചൂടു ചോർ വെള്ളം വറ്റി പാകമായിരിക്കും.
1.8 ലിറ്റർ. വില – 2199 രൂപ
Multi Purpose Kettle
തിളപ്പിക്കാനും ആവിയിൽ വേവിക്കാനും ഭക്ഷണം ചൂടാക്കാനും ഉപയോഗിക്കാവുന്ന ബഹുമുഖ പ്രതിഭയെന്നൊക്കെ പറയാം. ന്യൂഡിൽസും സൂപ്പും മറ്റും പാകം ചെയ്യാനുമാകും. വില– 1850രൂപ
തയാറാക്കിയത്: െഡൽന സത്യരത്ന
കടപ്പാട്: ലുലു കണക്ട്, കൊച്ചി
പിട്ടാപ്പള്ളിൽ ഏജൻസീസ്, ഇടപ്പള്ളി, കൊച്ചി
ക്രോമ, വൈറ്റില, കൊച്ചി