ചെറുവേഷങ്ങളിലൂടെ മലയാള സിനിമ പ്രേക്ഷകരുടെ മനസ്സിൽ ഇടം നേടിയ നടൻ മിഗ്ദാദ് (മണി) അന്തരിച്ചു. 76 വയസ്സായിരുന്നു. വോളിബോള് ദേശീയ താരവും പോസ്റ്റല് ആന്ഡ് ടെലഗ്രാഫ് വകുപ്പില് ഉദ്യോഗസ്ഥനുമായിരുന്നു.
പക്ഷാഘാതത്തെ തുടര്ന്ന് ചികിത്സയിലിരിക്കെ തിരുവനന്തപുരത്തെ സ്വകാര്യ ആശുപത്രിയില് ആയിരുന്നു അന്ത്യം. 1982 ല് പുറത്തിറങ്ങിയ ആ ദിവസം എന്ന ചിത്രത്തിലൂടെയായിരുന്നു അദ്ദേഹത്തിന്റെ അരങ്ങേറ്റം. മുത്താരംകുന്ന് പി ഒയിലെ ഫയല്വാന് വേഷത്തിലൂടെയാണ് മിഗ്ദാദിനെ പ്രേക്ഷകര് ഇന്നും ഓര്ക്കുന്നത്.
ആനയ്ക്കൊരുമ്മ, പൊന്നുംകുടത്തിനും പൊട്ട്, നന്മ നിറഞ്ഞവന് ശ്രീനിവാസന്, അദ്ദേഹം എന്ന ഇദ്ദേഹം, സാക്ഷാല് ശ്രീമാന് ചാത്തുണ്ണി, മാന്നാര് മത്തായി സ്പീക്കിംഗ് എന്നിങ്ങനെ നിരവധി ചിത്രങ്ങളിൽ വേഷമിട്ടു.
ഭാര്യ: റഫീക്ക മിദ്ഗാഗ്. മക്കള് മിറ മിഗ്ദാദ്, റമ്മി മിഗ്ദാദ്. മരുമക്കള് സുനിത് സിയാ, ഷിബില് മുഹമ്മദ്.