അൽപ്പം ശ്രദ്ധയും സമയവും നീക്കിവച്ചാൽ ഒരു മേക്കപ്പുമില്ലാതെ സുന്ദരിയാകാം. പോക്കറ്റ് കാലിയാക്കാതെ സൗന്ദര്യം നിലനിർത്താനുള്ള കുറച്ചു നുറുങ്ങുവിദ്യകൾ ഇതാ...
നിറം വർധിപ്പിക്കും തുളസിയില
മുഖചർമ്മത്തിലെ നിറം വർധിപ്പിക്കാനും വെയിലേറ്റുണ്ടാകുന്ന കരുവാളിപ്പ് മാറാനും കണ്ണിൽ കണ്ട ക്രീമുകളൊന്നും വാരി തേക്കേണ്ട കാര്യമില്ല. തുളസിയിലയിട്ടു തിളപ്പിച്ച വെള്ളത്തിൽ ദിവസവും ആവി പിടിക്കുക വ്യത്യസം അറിയാനാകും.
കൺപീലിക്കു ആവണക്കെണ്ണ
കൺപീലികൾ നീളമുള്ളതാക്കാൻ രാത്രി ഉറങ്ങുന്നതിനു മുൻപ് ആവണക്കെണ്ണയിൽ ഒരൽപ്പം ബദാം എണ്ണയും എള്ളെണ്ണയും കൂടി മിക്സ് ചെയ്തു കൺപീലികളിൽ തേച്ചു പിടിപ്പിച്ചിട്ടു കിടക്കുക. നീളമുള്ള സുന്ദരമായ കൺപീലികൾ സ്വന്തമാക്കാൻ ഇത് സഹായിക്കുന്നു.
കൈകാലുകൾക്ക് നിറം വർധിക്കാനും വെയിലേറ്റുണ്ടാക്കുന്ന കരുവാളിപ്പ് മാറാനും ചർമ്മത്തിന് മൃദുത്വം ലഭിക്കുവാനും അൽപ്പം ഹാൻഡ് ക്രീം വിനാഗിരിയിൽ ചേർത്ത് കൈകാലുകളിൽ തേച്ചു പിടിപ്പിക്കുക.
മൃദുല ചർമത്തിന് വിനാഗിരി
കൈകാലുകൾക്ക് നിറം വർധിക്കാനും വെയിലേറ്റുണ്ടാക്കുന്ന കരുവാളിപ്പ് മാറാനും ചർമ്മത്തിന് മൃദുത്വം ലഭിക്കുവാനും അൽപ്പം ഹാൻഡ് ക്രീം വിനാഗിരിയിൽ ചേർത്ത് കൈകാലുകളിൽ തേച്ചു പിടിപ്പിക്കുക നിങ്ങൾക്ക് നല്ല പഞ്ഞി പോലുള്ള ചർമ്മം ലഭിക്കും.
പാടുകളെ തുരത്തും ചെറുനാരങ്ങ
ചെറുനാരങ്ങാ മുറിച്ച് മുഖത്തുള്ള കറുത്തപാടുകളിൽ നന്നായി മസാജ് ചെയ്യുക പിന്നീട് ചെറുചൂടുവെള്ളം ഉപയോഗിച്ച് കഴുകിക്കളയുക. മുഖക്കുരുവും അതിനുശേഷമുണ്ടാകുന്ന കറുത്തപാടുകളും പാടെ അകറ്റാൻ ഇത് സഹായിക്കും. കൂടാതെ കൈകാലുകളിൽ നഖത്തിന് തിളക്കം ലഭിക്കാനും നഖം പൊട്ടിപോകുന്നത് തടയാനും ചെറുനാരങ്ങാനീര് സഹായിക്കുന്നു.
കരുവാളിപ്പ് ഒഴിവാക്കാൻ പാൽ
വെയിലേറ്റുണ്ടാകുന്ന കരുവാളിപ്പ് ഒഴിവാക്കാനും കൺതടങ്ങളിലെ കറുത്ത നിറം അകറ്റാനും പാൽ സഹായിക്കുന്നു. കിടക്കുന്നതിനു മുൻപ് അൽപ്പം പാൽ പഞ്ഞിയിൽ മുക്കി കൺതടങ്ങളിൽ വയ്ക്കുക. ഇത് കൺതടങ്ങളിലെ കറുപ്പിനെ അകറ്റാൻ സഹായിക്കുന്നു.
മുടിക്ക് തിളക്കമേകും ഏത്തപ്പഴം
മുടിക്ക് തിളക്കവും ആരോഗ്യവും ഉണ്ടാക്കാനായി ഏത്തപ്പഴം തൊലി കളഞ്ഞെടുത്ത് ഒരു സ്പൂൺ ഒലിവ് ഓയിൽ കൂടി മിക്സ് ചെയ്ത് നന്നായി അരച്ചെടുക്കുക. ഇതിലേക്ക് ഒരു സ്പൂൺ തൈരും കൂടി ചേർത്ത് ഇളക്കി ഈ മിശ്രിതം തലയിൽ നന്നായി തേച്ചു പിടിപ്പിക്കുക. അരമണിക്കൂറിന് ശേഷം തണുത്ത വെള്ളത്തിൽ കഴുകി കളയുക. നല്ല തിളക്കമുള്ളതും ആരോഗ്യമുള്ളതുമായ മുടി ലഭിക്കുന്നതാണ്.
