ഫോട്ടോ: സരുൺ മാത്യു, ഫോട്ടോയ്ക്കു വേണ്ടി വിഭവങ്ങൾ തയാറാക്കിയത്: ആൽബിൻ വി. തോമസ്, കിച്ചൺ എക്സിക്യൂട്ടീവ്, ക്രൗൺ പ്ലാസ, കൊച്ചി.
1. ചൗവരി – 100 ഗ്രാം
2. ചൈനാഗ്രാസ് – 10 ഗ്രാം
3. പാൽ – രണ്ടു ടിൻ
കണ്ടൻസ്ഡ് മിൽക്ക് – ഒരു ടിൻ
4. പഞ്ചസാര – പാകത്തിന്
പച്ച ഫൂഡ് കളർ – ഒരു ചെറിയ തുള്ളി
5. തേങ്ങയുടെ ഒന്നാംപാൽ – ഒരു കപ്പ്
6. ശർക്കരപ്പാനി – ഒരു കപ്പ്
പാകം ചെയ്യുന്ന വിധം
∙ ധാരാളം വെള്ളത്തിൽ ചൗവരി വേവിച്ച് ഊറ്റിവയ്ക്കുക.
∙ ചൈനാഗ്രാസ് അരക്കപ്പ് വെള്ളം ചേർത്ത് അടുപ്പത്തു വച്ച് ചെറുതീയിൽ ഉരുക്കണം.
∙ ചുവടുകട്ടിയുള്ള പാത്രത്തിൽ പാലും കണ്ടൻസ്ഡ് മിൽക്കും ചേർത്തു തുടരെയിളക്കി ചൂടാകുമ്പോൾ ചൈനാഗ്രാസ് ഉരുക്കിയതും ചേർക്കുക.
∙ ഇതിലേക്കു പാകത്തിനു പഞ്ചസാരയും ഫൂഡ് കളറും ചേർത്തു വാങ്ങി സെറ്റ് ചെയ്യാനുള്ള ഡിഷിലേക്ക് അരിച്ചൊഴിക്കണം.
∙ വേവിച്ചു വച്ചിരിക്കുന്ന ചൗവരിയുടെ പകുതി പുഡിങ്ങിനു മുകളിൽ വിതറുക. ചൂടാറിയ ശേഷം ഫ്രിഡ്ജിൽ വച്ചു സെറ്റ് ചെയ്യണം.
∙ വിളമ്പാന്‍ നേരം തേങ്ങാപ്പാലും ശർക്കരപ്പാനിയും ബാക്കിയുള്ള ചൗവരിയും ചെറിയ ബൗളുകളിലാക്കി ഒപ്പം വയ്ക്കണം.
