തയാറാക്കിയത്: മെർലി എം. എൽദോ, ഫോട്ടോ: വിഷ്ണു നാരായണൻ. പാചകക്കുറിപ്പുകൾക്കും ഫോട്ടോയ്ക്കു വേണ്ടി വിഭവങ്ങള്‍ തയാറാക്കിയതിനും കടപ്പാട്: അനു ഡെന്നിസ്, വാഴക്കാല, കൊച്ചി
1. പഞ്ചസാര – 150 ഗ്രാം
ഓറഞ്ചുതൊലി ചുരണ്ടിയത് – ഒരു ചെറിയ സ്പൂൺ
2. വെജിറ്റബിൾ ഓയില്‍ – 80 മില്ലി
തൈര് – 100 മില്ലി
വനില എസ്സൻസ് – ഒരു ചെറിയ സ്പൂൺ
മുട്ട – മൂന്ന്
3. മൈദ – 250 ഗ്രാം
ബേക്കിങ് പൗഡർ – രണ്ടു ചെറിയ സ്പൂൺ
ഉപ്പ് – കാൽ ചെറിയ സ്പൂൺ
4. ഐസിങ് ഷുഗർ – 100 ഗ്രാം
ഓറഞ്ച് ജ്യൂസ് – 100 മില്ലി
5. ഓറഞ്ചുതൊലി ചുരണ്ടിയത് – അലങ്കരിക്കാൻ
പാകം ചെയ്യുന്ന വിധം
∙ അവ്ൻ 180 ഡിഗ്രി Cൽ ചൂടാക്കിയിടുക.
∙ ഒന്നാമത്തെ ചേരുവ ഒരു ബൗളിലാക്കി കൈകൊണ്ടു ഞെരടി യോജിപ്പിക്കണം. ഇതിലേക്കു രണ്ടാമത്തെ ചേരുവ ചേർത്ത് ഒരു വിസ്ക് ഉപയോഗിച്ചു നന്നായി അടിക്കണം.
∙ ഇതിലേക്കു മൂന്നാമത്തെ ചേരുവ ഇടഞ്ഞതു ചേർത്തു യോജിപ്പിക്കുക.
∙ മയം പുരട്ടി പേപ്പറിട്ട ലോഫ് പാനിൽ ഒഴിച്ചു ചൂടാക്കിയിട്ടിരിക്കുന്ന അവ്നിൽ വച്ച് 25–30 മിനിറ്റ് ബേക്ക് ചെയ്യുക.
∙ നാലാമത്തെ ചേരുവ യോജിപ്പിച്ചു തയാറാക്കിയ കേക്കിനു മുകളിൽ ഒഴിച്ച് ഓറഞ്ചുതൊലി കൊണ്ട് അലങ്കരിച്ചു വിളമ്പാം.
