ചെമ്മീൻ മാങ്ങാ പീര
1.ചെമ്മീൻ – അരക്കിലോ
2.തേങ്ങ, ചിരകിയത് – ഒരു കപ്പ്
ഇഞ്ചി – ഒരു ചെറിയ കഷണം, ചതച്ചത്
ചുവന്നുള്ളി – പത്ത്, ചതച്ചത്
കാന്താരി മുളക് – ആറ്–ഏഴ്
കറിവേപ്പില – ഒരു തണ്ട്
മഞ്ഞൾപ്പൊടി – അര ചെറിയ സ്പൂൺ
മുളകുപൊടി – കാൽ ചെറിയ സ്പൂൺ
ഉപ്പ് – പാകത്തിന്
3.പച്ചമാങ്ങ – ഒന്നിന്റെ പകുതി, നീളത്തിൽ അരിഞ്ഞത്
കുടംപുളി – ഒരു ചെറിയ കഷണം
4.വെളിച്ചെണ്ണ – ഒരു വലിയ സ്പൂൺ
കറിവേപ്പില – ഒരു തണ്ട്
പാകം ചെയ്യുന്ന വിധം
∙ചെമ്മീൻ തൊണ്ടും നാരും കളഞ്ഞു വൃത്തിയാക്കി വയ്ക്കുക.
∙ഒരു മൺചട്ടിയിൽ രണ്ടമത്തെ ചേരുവ ചേർത്തു കൈകൊണ്ടു നന്നായി തിരുമ്മി യോജിപ്പിക്കുക.
∙ഇതിലേക്കു ചെമ്മീനും പച്ചമാങ്ങയും കുടംപുളിയും ചേർത്തിളക്കി യോജിപ്പിച്ച് അൽപം വെള്ളം തളിച്ചു മൂടിവച്ചു വേവിക്കുക.
∙വെന്തു പാകമാകുമ്പോൾ വെളിച്ചെണ്ണയും കറിവേപ്പിലയും ചേർത്തു വാങ്ങാം.
