1. ജീരകം – ഒരു നുള്ള്
വെളുത്തുള്ളി – രണ്ട് അല്ലി
ചുവന്നുള്ളി – ഒന്ന്
മുളകുപൊടി – കാൽ ചെറിയ സ്പൂൺ
2. തേങ്ങ ചുരണ്ടിയത് – അരക്കപ്പ്
3. ചുവന്ന ചീര അരിഞ്ഞത് – മൂന്നു കപ്പ്
ഉപ്പ് – പാകത്തിന്
പച്ചമുളക് – ഒന്ന്, വട്ടത്തിൽ അരിഞ്ഞത്
4. കോഴിമുട്ട – ഒന്ന്
5. എണ്ണ - രണ്ടു വലിയ സ്പൂൺ
6. കടുക് – അര ചെറിയ സ്പൂൺ
അരി – രണ്ടു ചെറിയ സ്പൂൺ
7. ചുവന്നുള്ളി അരിഞ്ഞത് – ഒരു വലിയ സ്പൂൺ
വറ്റൽമുളക് – ഒന്ന്, രണ്ടാക്കിയത്
കറിവേപ്പില – രണ്ടു തണ്ട്
പാകം ചെയ്യുന്ന വിധം
∙ ഒന്നാമത്തെ ചേരുവ യോജിപ്പിച്ച് അരച്ചതിലേക്കു തേങ്ങ ചേർത്തു ചതച്ച് അരപ്പു തയാറാക്കുക.
∙ ചീരയിൽ ഉപ്പും പച്ചമുളകും ചേർത്തിളക്കി അൽപം വെള്ളം തളിച്ചു പാത്രം അടച്ചു വച്ചു വേവിക്കുക.
∙ ആവി വരുമ്പോള് നടുവിൽ ഒരു കുഴിയുണ്ടാക്കി, അതിൽ അരപ്പിട്ടു ചീര കൊണ്ടു മൂടി തട്ടിപ്പൊത്തി വയ്ക്കണം. ആവി വരും വരെ വേവിക്കാം.
∙ മുട്ട അടിച്ചത് ഇതിലേക്ക് ഒഴിച്ചു ചിക്കിപ്പൊരിച്ചു തോർത്തിയെടുക്കണം.
∙ എണ്ണ ചൂടാക്കി കടുകും അരിയും വറുത്ത്, ഏഴാമത്തെ ചേരുവയും ചേർത്തിളക്കി കറിയിൽ ചേർക്കാം.