കൂന്തൽ വരട്ടിയത്
1.കൂന്തൽ – അരക്കിലോ
2.വെളിച്ചെണ്ണ – രണ്ടു വലിയ സ്പൂൺ
3.ഉലുവ – അര ചെറിയ സ്പൂൺ
4.സവാള – രണ്ട്, അരിഞ്ഞത്
ഇഞ്ചി–വെളുത്തുള്ളി പേസ്‌റ്റ് – ഒരു വലിയ സ്പൂൺ
പച്ചമുളക് – രണ്ട്, അരിഞ്ഞത്
കറിവേപ്പില – ഒരു തണ്ട്
5.കശ്മീരി മുളകുപൊടി – രണ്ടര ചെറിയ സ്പൂൺ
മഞ്ഞൾപ്പൊടി – അര ചെറി സ്പൂൺ
മല്ലിപ്പൊടി – ഒരു ചെറിയ സ്പൂൺ
കുരുമുളകുപൊടി – ഒരു ചെറിയ സ്പൂൺ
6.തക്കാളി – ഒന്ന്, അരിഞ്ഞത്
നാരങ്ങാ നീര് – ഒരു വലിയ സ്പൂൺ
7.ഉപ്പ് – പാകത്തിന്
വെള്ളം – പാകത്തിന്
8.വെളിച്ചെണ്ണ – ഒരു വലിയ സ്പൂൺ
കറിവേപ്പില – ഒരു തണ്ട്
പാകം ചെയ്യുന്ന വിധം
∙കൂന്തൽ കഴുകി വൃത്തിയാക്കി മുറിച്ചു വയ്ക്കുക.
∙മൺചട്ടിയിൽ വെളിച്ചെണ്ണ ചൂടാക്കി ഉലുവ പൊട്ടിക്കുക.
∙ഇതിലേക്കു നാലാമത്തെ ചേരുവ ചേർത്തു വഴറ്റണം.
∙സവാള ഗോൾഡൻ ബ്രൗൺ നിറമാകുമ്പോൾ പൊടികള്‌ ചേർത്തു പച്ചമണം മാറുന്നതു വരെ വഴറ്റുക.
∙ആറാമത്തെ ചേരുവ ചേർത്തു വഴറ്റി എണ്ണ തെളിഞ്ഞു വരുമ്പോൾ കൂന്തൽ ചേർത്തു വഴറ്റണം.
∙പാകത്തിനുപ്പും വെള്ളവും ചേർത്തിളക്കി മൂടി വച്ചു വേവിക്കുക. ഇടയ്ക്ക് ഇളക്കി കൊടുക്കണം.
∙വെന്തു പാകമാകുമ്പോൾ എട്ടാമത്ത ചേരുവ ചേർത്തിളക്കി വാങ്ങാം.
