സോയ ബീഫ് ഫ്രൈ
1.ബീഫ് – അരക്കിലോ, ചെറിയ കഷണങ്ങളാക്കിയത്
2.സോയാസോസ് – ഒന്നര വലിയ സ്പൂൺ
ഉപ്പ് – പാകത്തിന്
ഇഞ്ചി–വെളുത്തുള്ളി പേസ്റ്റ് – ഒരു വലിയ സ്പൂൺ
കാശ്മീരി മുളകുപൊടി – ഒരു വലിയ സ്പൂൺ
കുരുമുളകുപൊടി – രണ്ടു ചെറിയ സ്പൂൺ
സവാള – ഒന്ന്, പൊടിയായി അരിഞ്ഞത്
3.വെളിച്ചെണ്ണ – അഞ്ചു വലിയ സ്പൂൺ
4.കടുക് – രണ്ടു ചെറിയ സ്പൂൺ
5.സവാള – ഒന്ന്, പൊടിയായി അരിഞ്ഞത്
കറിവേപ്പില – രണ്ടു തണ്ട്
6.ഉരുളക്കിഴങ്ങ് – ഒന്ന്, നീളത്തിൽ കഷണങ്ങളാക്കി വറുത്തത്
പാകം ചെയ്യുന്ന വിധം
∙ബീഫ് കഴുകി വൃത്തിയാക്കി രണ്ടാമത്തെ ചേരുവ ചേർത്തു യോജിപ്പിച്ച് ഒരു മണിക്കൂർ വയ്ക്കുക.
∙ഇതു പ്രഷർ കുക്കറിലാക്കി നന്നായി വേവിക്കുക.
∙പാനിൽ എണ്ണ ചൂടാക്കി കടുക് പൊട്ടിക്കുക.
∙ഇതിൽ സവാളയും കറിവേപ്പിലയും ചേർത്തു വഴറ്റണം.
∙സവാള വാടുമ്പോൾ ബീഫ് വേവിച്ചതു ചേർത്തു നന്നായി വറുക്കുക.
∙ഉരുളക്കിഴങ്ങു വറുത്തത് മുകളിൽ വിതറി വിളമ്പാം.