ഓട്സും പച്ചക്കറികളും കൊണ്ടുള്ള ഈ ദോശ കുട്ടികൾക്കും വലിയവർക്കും ഒരുപോലെ ഗുണപ്രദം. ഓട്സിൽ കാത്സ്യം, മഗ്നീഷ്യം, അയൺ ഇതെല്ലാം അടങ്ങിയിരിക്കുന്നു. മുരിങ്ങയിലയിൽ ധാരാളം ആന്റിഓക്സിഡൻസും അടങ്ങിയിരിക്കുന്നതിനാൽ ഒരുപാടു രോഗങ്ങളെ ചെറുക്കാനും കാൻസറിനെ വരെ തോൽപ്പിക്കാനും കഴിവുണ്ട്. ഹെൽതിയായ ദേശ എങ്ങനെ തയാറാക്കാം എന്നു നോക്കാം.
ചേരുവകൾ
•ഓട്ട്സ് - ഒരു കപ്പ്
•മുട്ട - 3
•മുരിങ്ങയില - 2 പിടി
•കാബേജ് അരിഞ്ഞത് - 1/4 കപ്പ്
•കാരറ്റ് ഗ്രേറ്റ് ചെയ്തത് - 1/4 കപ്പ്
•പച്ചമുളക് അരിഞ്ഞത് - ഒരു ടീസ്പൂൺ
•ഇഞ്ചി അരിഞ്ഞത് - ഒരു ടീസ്പൂൺ
•വെളുത്തുള്ളി അരിഞ്ഞത് - ഒരു ടീസ്പൂൺ
•ചെറിയ ഉള്ളി അരിഞ്ഞത് - 1/4 കപ്പ്
•മല്ലിയില അരിഞ്ഞത് - 1/4 കപ്പ്
•തക്കാളി അരിഞ്ഞത് - 1/4 കപ്പ്
•എള്ള് - 1 ടീസ്പൂൺ
•ജീരകം - 1 ടീസ്പൂൺ
•ഉപ്പ് - 1/2 ടീസ്പൂൺ
•കുരുമുളക് പൊടി - 1 ടീസ്പൂൺ
•വെള്ളം - 1 കപ്പ്
തയാറാക്കുന്ന വിധം
•ഓട്സ് പൊടിച്ചു ഒരു കപ്പ് വെള്ളം ചേർത്തു കട്ടയില്ലാതെ കലക്കി എടുക്കുക.
∙മുട്ടയിൽ കുരുമുളകുപൊടിയും ഉപ്പും ചേർത്തു നന്നായി അടിച്ചെടുത്ത് ഓട്സിലേക്ക്ു ചേർക്കുക.
∙അരിഞ്ഞുവെച്ച എല്ലാ പച്ചക്കറികളും ഇതിലേക്കിട്ടുകൊടുക്കാം.
∙എള്ളും, ഉപ്പും, ജീരകവും ഇട്ടുകൊടുത്തു നന്നായി ഇളക്കി യോജിപ്പിക്കുക. അയഞ്ഞ പാകത്തിൽ വേണം യോജിപ്പിച്ചെടുക്കാൻ.
•ചൂടായ ഒരു പാനിൽ ഒരു ടീസ്പൂൺ എണ്ണ ഒഴിച്ച് കൊടുത്തതിനുശേഷം ഇത് ഓരോ തവി കുറേശ്ശെ ഒഴിച്ചു തിരിച്ചും മറിച്ചും ഇട്ടു ചുട്ടെടുക്കാം. പോഷകസമൃദ്ധമായ ഓട്സ് ദോശ റെഡി.