1.പപ്പായ ചെറിയ കഷണങ്ങളാക്കിയത് – രണ്ടു കപ്പ്
ഉപ്പ്, വെള്ളം – പാകത്തിന്
മഞ്ഞൾപ്പൊടി – ഒരു ചെറിയ സ്പൂൺ
2.തേങ്ങ ചുരണ്ടിയത് – അരക്കപ്പ്
പച്ചമുളക് – രണ്ട്
ജീരകം – ഒരു ചെറിയ സ്പൂൺ
വെളുത്തുള്ളി – ആറ് അല്ലി
3.വെളിച്ചെണ്ണ – മൂന്നു വലിയ സ്പൂൺ
4.കടുക് – ഒരു ചെറിയ സ്പൂൺ
വറ്റൽമുളക് – രണ്ട്
5.തേങ്ങ ചുരണ്ടിയത് – അരക്കപ്പ്
കറിവേപ്പില – രണ്ടു തണ്ട്
പാകം ചെയ്യുന്ന വിധം
∙ഒന്നാമത്തെ ചേരുവ യോജിപ്പിച്ചു വേവിച്ചു വെള്ളം വറ്റിച്ച് ഉടയ്ക്കണം.
∙ഇതിലേക്ക് രണ്ടാമത്തെ ചേരുവ തരുതരുപ്പായി അരച്ചതു ചേർത്തിളക്കി ചെറുതീയിൽ തിളപ്പിക്കണം.
∙വെളിച്ചെണ്ണ ചൂടാക്കി നാലാമത്തെ ചേരുവ മൂപ്പിച്ച ശേഷം തേങ്ങ ചുരണ്ടിയതും കറിവേപ്പിലയും ചേർത്തിളക്കി തേങ്ങ ഇളംബ്രൗൺ നിറമാകുമ്പോൾ വാങ്ങി കറിയിൽ ചേർത്തിളക്കുക.
കടപ്പാട്
ജാനമ്മ
തിരുവനന്തപുരം