തക്കാളിക്കറി
1.പച്ചത്തക്കാളി – നാല്, നീളത്തിൽ അരിഞ്ഞത്
സവാള – ഒന്ന്, തക്കാളിയുടെ അതേ വലുപ്പത്തിൽ അരിഞ്ഞത്
മഞ്ഞൾപ്പൊടി – കാൽ ചെറിയ സ്പൂൺ
ഉപ്പ് – പാകത്തിന്
2.തേങ്ങ ചുരണ്ടിയത് – ഒരു കപ്പ്
ചുവന്നുള്ളി – നാല്
വെളുത്തുള്ളി – മൂന്ന് അല്ലി
ജീരകം – കാൽ ചെറഇയ സ്പൂൺ
കറിവേപ്പില – ഒരു തണ്ട്
3.വെളിച്ചെണ്ണ – രണ്ടു വലിയ സ്പൂൺ
4.കടുക് – അര ചെറിയ സ്പൂൺ
ചുവന്നുള്ളി – മൂന്ന്, അരിഞ്ഞത്
കറിവേപ്പില – രണ്ടു തണ്ട്
വറ്റൽമുളക് – രണ്ട്
പാകം ചെയ്യുന്ന വിധം
∙ഒന്നാമത്തെ ചേരുവ ഒരു മൺചട്ടിയിലാക്കി, പാകത്തിനു വെള്ളം ചേർത്തു വേവിക്കുക.
∙തക്കാളി വെന്തശേഷം ഇതിലേക്കു രണ്ടാമത്തെ ചേരുവ മയത്തിൽ അരച്ചതു ചേർത്തിളക്കി നന്നായി ചൂടാകുമ്പോൾ വാങ്ങി വയ്ക്കുക.
∙വെളിച്ചെണ്ണ ചൂടാക്കി നാലാമത്തെ ചേരുവ താളിച്ചു കറിയിൽ ചേർത്തിളക്കണം.
