1. മൈദ – 300 ഗ്രാം
2. പാൽ – ഒരു കപ്പിന്റെ മൂന്നിലൊന്ന്
പഞ്ചസാര – മൂന്നു വലിയ സ്പൂൺ
യീസ്റ്റ് – ഒരു വലിയ സ്പൂൺ
മുട്ട – രണ്ട്, അടിച്ചത്
വെണ്ണ – മൂന്നു വലിയ സ്പൂൺ, ഉരുക്കിയത്
ഉപ്പ് – ഒരു നുള്ള്
3. കട്ടിയുള്ള ജാം – പാകത്തിന്
4. എണ്ണ – വറുക്കാൻ ആവശ്യത്തിന്
പാകം െചയ്യുന്ന വിധം
∙ മൈദ ഒരു വലിയ ബൗളിലാക്കി, നടുവിൽ ഒരു കുഴിയുണ്ടാക്കി രണ്ടാമത്തെ ചേരുവ അതില് ചേർത്തു നന്നായി കുഴച്ചു മയമുള്ള മാവു തയാറാക്കണം.
∙ മയം പുരട്ടിയ ബൗളിലാക്കി നനഞ്ഞ തുണി കൊണ്ടു മൂടി അര–മുക്കാൽ മണിക്കൂർ പൊങ്ങാനായി മാറ്റിവയ്ക്കുക. ഏകദേശം ഇരട്ടി വലുപ്പമാകും.
∙ ഇതിൽ നിന്നു വലിയ നെല്ലിക്കയുടെ വലുപ്പമുള്ള ഉരുളകളുണ്ടാക്കി കൈ കൊണ്ടു പരത്തി അതിനു നടുവിൽ ഒരു ചെറിയ സ്പൂൺ ജാം വയ്ക്കുക. ഇതു വീണ്ടും ഉരുട്ടി മയം പുരട്ടിയ പാത്രത്തിലാക്കി 15–20 മിനിറ്റ് വയ്ക്കുക. ഇരട്ടി വലുപ്പമാകും.
∙ ചീനച്ചട്ടിയില് എണ്ണ ചൂടാക്കി ഓരോ ഡോനട്ടും ചേർത്തു ഗോൾഡൻബ്രൗൺ നിറത്തിൽ വറുത്തു കോരി എണ്ണ വാലാൻ വയ്ക്കുക.
∙ ചൂടാറിയ ശേഷം പഞ്ചസാര പൊടിച്ചതില് ഉരുട്ടിയെടുക്കുകയോ പഞ്ചസാര പൊടിച്ചതു മുകളിൽ വിതറുകയോ ചെയ്യുക.