ബാച്ചിലേഴ്സ് സ്‌റ്റൈൽ എഗ്ഗ് റൈസ്
1.ബസ്മതി അരി – മുക്കാൽ കപ്പ്
2.എണ്ണ – ഒരു വലിയ സ്പൂൺ
3.സവാള – ഒരു ചെറുത്, അരിഞ്ഞത്
4.മുട്ട – രണ്ട്, അടിച്ചത്
5.ഉപ്പ് – പാകത്തിന്
മഞ്ഞൾപ്പൊടി – അര ചെറിയ സ്പൂൺ
മുളകുപൊടി – ഒരു ചെറിയ സ്പൂൺ
ചിക്കൻ മസാല – ഒരു ചെറിയ സ്പൂൺ
6.കാപ്സിക്കം – ഒന്നിന്റെ പകുതി, അരിഞ്ഞത്
7.കുരുമുളകുപൊടി – ഒരു ചെറിയ സ്പൂൺ
സോയ സോസ് – രണ്ടു ചെറിയ സ്പൂൺ
8.മല്ലിയില, പൊടിയായി അരിഞ്ഞത് – രണ്ടു ചെറിയ സ്പൂൺ
പാകം ചെയ്യുന്ന വിധം
∙ബസ്മതി അരി പാകത്തിനു വെള്ളം ഒഴിച്ച് അരമണിക്കൂർ കുതിർത്ത് വേവിച്ചൂറ്റി വയ്ക്കുക.
∙പാനിൽ എണ്ണ ചൂടാക്കി സവാള വഴറ്റണം.
∙മുട്ട അടിച്ചതും അഞ്ചാമത്തെ ചേരുവയും ചേർത്തു നന്നായി ഇളക്കി യോജിപ്പിക്കണം.
∙മുട്ട വെന്തു പാകമാകുമ്പോൾ കാപ്സിക്കവും ചോറും ചേർത്തിളക്കുക.
∙ഏഴാമത്തെ ചേരുവ ചേർത്തിളക്കി ഉപ്പു പാകത്തിനാക്കി മല്ലിയില വിതറി വിളമ്പാം.
