1. മീൻ വൃത്തിയാക്കി കഷണങ്ങളാക്കിയത് - 250ഗ്രാം
2. ചുവന്നുള്ളി - 10
വെളുത്തുള്ളി – അഞ്ച് അല്ലി
ഇഞ്ചി - ഒരു ചെറിയ കഷണം
കുരുമുളക് - ഒരു വലിയ സ്പൂൺ
പെരുംജീരകം - അര വലിയ സ്പൂൺ
തക്കാളി - ഒരു ഇടത്തരം
കറിവേപ്പില - രണ്ടു തണ്ട്
മഞ്ഞൾപ്പൊടി - അര വലിയ സ്പൂൺ
മുളകുപൊടി - രണ്ടു വലിയ സ്പൂൺ
നാരങ്ങാനീര് - ഒരു വലിയ സ്പൂൺ
ഉപ്പ് - പാകത്തിന്
3. വെളിച്ചെണ്ണ - മീൻ വറുക്കാൻ ആവശ്യത്തിന്
4. കറിവേപ്പില – ഒരു പിടി
പാകം ചെയ്യുന്ന വിധം
∙ മീൻ വൃത്തിയാക്കി വയ്ക്കണം.
∙ രണ്ടാമത്തെ ചേരുവ മയത്തിൽ അരച്ചു മീനിൽ പുരട്ടി കുറഞ്ഞത് ഒരു മണിക്കൂറെങ്കിലും വയ്ക്കുക.
∙ പാനിൽ വെളിച്ചെണ്ണ ചൂടാക്കി ഇടത്തരം തീയിൽ വച്ചു ധാരാളം കറിവേപ്പിലയും മീനും ചേർത്തു മസാല കരിഞ്ഞു പോകാതെ വറുത്തെടുക്കുക.