തയാറാക്കിയത്: മെർലി എം. എൽദോ, ഫോട്ടോ: കീർത്തി നായർ
@macaron_gal എന്ന ഇന്‍സ്റ്റഗ്രാം അക്കൗണ്ടിലൂടെ രണ്ടര ലക്ഷത്തിൽ പരം ഫോളോവേഴ്സുമായി തിളങ്ങുന്ന കീർത്തി നായരുടെ വിശേഷങ്ങളും തനിനാടൻ പാചകക്കുറിപ്പുകളും..
ബീഫും കായേം വരട്ടിയത്
1. ബീഫ് - 500 ഗ്രാം
2. ചുവന്നുള്ളി - 10
കുരുമുളകുപൊടി - ഒരു വലിയ സ്പൂൺ
പെരുംജീരകപ്പൊടി - അര വലിയ സ്പൂൺ
കറിവേപ്പില - ഒരു തണ്ട്
3. വെളിച്ചെണ്ണ – ഒരു വലിയ സ്പൂണ്‍
4. തേങ്ങ ചുരണ്ടിയത് - അരക്കപ്പ്
ചുവന്നുള്ളി - അഞ്ച്
ഏലയ്ക്ക - രണ്ട്
മല്ലി - ഒരു വലിയ സ്പൂൺ
മുളകുപൊടി - ഒരു വലിയ സ്പൂൺ
കുരുമുളക് - അര ചെറിയ സ്പൂൺ
കറിവേപ്പില - ഒരു തണ്ട്
മഞ്ഞൾപ്പൊടി - അര ചെറിയ സ്പൂൺ
5. വെളിച്ചെണ്ണ - രണ്ടു വലിയ സ്പൂൺ
6. ചുവന്നുള്ളി അരിഞ്ഞത് - അരക്കപ്പ്
ഇഞ്ചി - ഒരു ഇടത്തരം കഷണം, ചതച്ചത്
വെളുത്തുള്ളി - ഏഴ് അല്ലി, ചതച്ചത്
പച്ചമുളക് - അഞ്ച്, ചതച്ചത്
കറിവേപ്പില - രണ്ടു തണ്ട്, ചതച്ചത്
7. മഞ്ഞൾപ്പൊടി - അര ചെറിയ സ്പൂൺ
ഉപ്പ് - പാകത്തിന്
8. പച്ച ഏത്തയ്ക്ക - രണ്ട്, തൊലി കളഞ്ഞു കഷണങ്ങളാക്കിയത്
പാകം ചെയ്യുന്ന വിധം
∙ ബീഫ് വൃത്തിയാക്കി രണ്ടാമത്തെ ചേരുവ ചേർത്തു നന്നായി വേവിച്ചു വയ്ക്കുക.
∙ ചട്ടിയിൽ എണ്ണ ചൂടാക്കി നാലാമത്തെ ചേരുവ യഥാക്രമം ചേർത്തു ചെറുതീയില്‍ കരിഞ്ഞു പോകാതെ നന്നായി വറുത്തെടുക്കണം. ഇതു വെള്ളം ചേർക്കാതെ അരച്ചു മാറ്റി വയ്ക്കുക.
∙ ചീനച്ചട്ടിയിൽ എണ്ണ ചൂടാക്കി ആറാമത്തെ ചേരുവ ചേർത്തു നന്നായി വഴറ്റുക.
∙ ഇതിൽ മഞ്ഞൾപ്പൊടിയും ഉപ്പും ചേർത്തിളക്കി മെല്ലേ മൂപ്പിക്കണം.
∙ ഇതിലേക്കു ബീഫ് വേവിച്ചതും അരച്ചു വച്ചിരിക്കുന്ന തേങ്ങ മിശ്രിതവും ചേർത്തു നന്നായി യോജിപ്പിക്കണം. പച്ചക്കായയും ചേർത്തു നന്നായി ഇളക്കി മൂടി വ ച്ചു വേവിക്കുക.
∙ കായ വെന്തു വരുമ്പോൾ പാകത്തിനുപ്പും കറിവേപ്പിലയും ചേർത്ത് അടപ്പു തുറന്നു വച്ചു നന്നായി വരട്ടിയെടുക്കണം.
