തയാറാക്കിയത്:
മെർലി എം. എൽദോ
ഫോട്ടോ : കീർത്തി നായർ
1. നല്ലെണ്ണ - രണ്ടു വലിയ സ്പൂൺ
2. കുഞ്ഞുള്ളി (ചുവന്നുള്ളി) - 250 ഗ്രാം
3. കടുക് - അര ചെറിയ സ്പൂൺ
ജീരകം - അര ചെറിയ സ്പൂൺ
4. വറ്റൽമുളക് - ആറ്
കറിവേപ്പില - രണ്ടു തണ്ട്
കായംപൊടി - കാൽ ചെറിയ സ്പൂൺ
5. മുളകുപൊടി - രണ്ടു വലിയ സ്പൂൺ
മഞ്ഞൾപ്പൊടി - കാല്‍ വലിയ സ്പൂൺ
ഉപ്പ് - പാകത്തിന്
6. കടുക് – അര ചെറിയ സ്പൂൺ, പൊടിച്ചത്
ഉലുവാപ്പൊടി - കാല്‍ ചെറിയ സ്പൂൺ
7. ശർക്കര - ഒരു ചെറിയ കഷണം
8. വാളൻപുളി - ചെറുനാരങ്ങാ വലുപ്പം
പാകം ചെയ്യുന്ന വിധം
∙ പാനിൽ നല്ലെണ്ണ ചൂടാക്കി, വൃത്തിയാക്കിയ ചുവന്നുള്ളി ചേർത്തു നന്നായി വഴറ്റി മാറ്റി വയ്ക്കുക.
∙ അതേ എണ്ണയിൽ തന്നെ കടുകും ജീരകവും ചേർത്തു പൊട്ടിക്കണം.
∙ അതിലേക്കു വറ്റൽമുളകും കറിവേപ്പിലയും കായംപൊടിയും ചേർത്തു നന്നായി യോജിപ്പിക്കുക.
∙ വഴറ്റി വച്ചിരിക്കുന്ന ചുവന്നുള്ളിയും മുളകുപൊടിയും മഞ്ഞൾപ്പൊടിയും ഉപ്പും കൂടി ചേർത്തു ന ന്നായി വഴറ്റുക.
∙ തവി ഉപയോഗിച്ചു ചുവന്നുള്ളി മെല്ലേ ഒന്ന് ഉടച്ച ശേ ഷം അതിലേക്കു കടുകു പൊടിച്ചതും ഉലുവാപ്പൊടിയും ശർക്കരയും ചേർത്തിളക്കണം.
∙ വാളൻപുളി പിഴിഞ്ഞതും ആവശ്യത്തിനുപ്പും ചേർത്തു നന്നായി യോജിപ്പിച്ചു വാങ്ങി വയ്ക്കുക.
∙ ചൂടാറിയ ശേഷം ചില്ലുകുപ്പിയിലാക്കി സൂക്ഷിക്കാം.
