കുട്ടികൾക്കായി ഇതാ ഒരു ഹെൽത്തി ബ്രേക്ഫാസ്റ്റ്. ഗോതമ്പുപൊടി കൊണ്ട് തയാറാക്കുന്ന ചിക്കൻ പാൻകേക്ക് റെസിപ്പി ഇതാ...
1. ഗോതമ്പുപൊടി – ഒന്നരക്കപ്പ്
ബേക്കിങ് പൗഡർ – ഒരു ചെറിയ സ്പൂൺ
ഉപ്പ് – ഒരു നുള്ള്
വെണ്ണ ഉരുക്കിയത് – രണ്ടു വലിയ സ്പൂൺ
മുട്ട – ഒന്ന്
പാൽ – രണ്ടു കപ്പ്
2. എണ്ണ – ഒരു വലിയ സ്പൂൺ
3. സവാള – ഒന്നിന്റെ പകുതി, പൊടിയായി അരിഞ്ഞത്
പച്ചമുളക് – ഒന്ന്, പൊടിയായി അരിഞ്ഞത്
ഇഞ്ചി പൊടിയായി അരിഞ്ഞത് – അര ചെറിയ സ്പൂൺ
വെളുത്തുള്ളി പൊടിയായി അരിഞ്ഞത് – ഒരു ചെറിയ സ്പൂൺ
ഉപ്പ് – പാകത്തിന്
4. ചിക്കൻ മിൻസ് – അരക്കപ്പ്
5. മല്ലിയില അരിഞ്ഞത് – രണ്ടു വലിയ സ്പൂൺ
പാകം െചയ്യുന്ന വിധം
∙ ഒന്നാമത്തെ ചേരുവ കലക്കി മാവു തയാറാക്കുക.
∙ പാനിൽ എണ്ണ ചൂടാക്കി മൂന്നാമത്തെ ചേരുവ വഴറ്റുക.
∙ ഇതിലേക്കു ചിക്കൻ ചേർത്തിളക്കി അൽപം വെള്ളം തളിച്ച് ചെറുതീയിൽ അടച്ചു വച്ചു വേവിച്ചെടുക്കണം. മല്ലിയിലയും ചേർത്തിളക്കി വയ്ക്കണം.
∙ ഈ കൂട്ട് യോജിപ്പിച്ചു വച്ചിരിക്കുന്ന മാവിൽ ചേർത്തിളക്കി യോജിപ്പിക്കുക.
∙ നോൺസ്റ്റിക് തവ ചൂടാക്കി അൽപാൽപം വീതം മാവു കോരിയൊഴിച്ചു ദോശ പോലെ ചുട്ടെടുക്കണം.