ഇനി മുതൽ കബാബാ ഉണ്ടാക്കുമ്പോൾ ഇങ്ങനെ ചെയ്തു നോക്കണം. എന്തൊരു രുചിയാണെന്നോ....
ചിക്കൻ കബാബ്
1.എണ്ണ – ഒരു വലിയ സ്പൂൺ
2.സവാള – ഒന്ന്, പൊടിയായി അരിഞ്ഞത്
3.വെളുത്തുള്ളി – രണ്ട് അല്ലി, പൊടിയായി അരിഞ്ഞത്
ഇഞ്ചി, പൊടിയായി അരിഞ്ഞത് – ഒരു ചെറിയ സ്പൂൺ
ഉപ്പ് – പാകത്തിന്
4.പഞ്ചസാര – അര ചെറിയ സ്പൂൺ
5.റൊട്ടി – രണ്ടു കഷണം
മല്ലിയില – ഒരു പിടി
കാശ്മീരി മുളകുപൊടി – ഒരു ചെറിയ സ്പൂൺ
ഒറിഗാനോ – അര ചെറിയ സ്പൂൺ
കുരുമുളകുപൊടി – അര ചെറിയ സ്പൂൺ
വറ്റൽമുളക് ചതച്ചത് – അര ചെറിയ സ്പൂൺ
ചിക്കൻ ക്യൂബ് – ഒന്ന്
6.ചിക്കൻ, മിൻസ് ചെയ്തത് – അരക്കിലോ
7.മുട്ട – ഒന്ന്
എണ്ണ – ഒരു വലിയ സ്പൂൺ
പാകം ചെയ്യുന്ന വിധം
∙പാനിൽ എണ്ണ ചൂടാക്കി സവാള വഴറ്റുക.
∙ഇതിലേക്ക് മൂന്നാമത്തെ ചേരുവ ചേർത്തു വഴറ്റണം.
∙പഞ്ചസാര ചേർത്തു വഴറ്റി സവാള ബ്രൗൺ നിറമാകുമ്പോൾ വാങ്ങുക.
∙മിക്സിയിൽ കാരമലൈസ് ചെയ്ത സവാളയും അഞ്ചാമത്തെ ചേരുവയും ചേർത്ത് ചതച്ചെടുക്കുക.
∙ഇത് ചിക്കനിൽ ചേർത്തു നന്നായി ഇളക്കി യോജിപ്പിക്കുക.
∙മുട്ട അടിച്ചതും എണ്ണയും ചേർത്തു യോജിപ്പിച്ച് ചെറിയ ഉരുളകളാക്കി കബാബിന്റെ ആകൃതിയിലാക്കുക.
∙തവയിൽ തിരിച്ചും മറിച്ചുമിട്ട് വറുത്തെടുക്കാം.