സ്പാനിഷ് ഓംലെറ്റ്
1.എണ്ണ/വെണ്ണ – രണ്ടു വലിയ സ്പൂൺ
2.ചുവന്നുള്ളി പൊടിയായി അരിഞ്ഞത് – രണ്ടു വലിയ സ്പൂൺ
തക്കാളി, ചൂടുവെള്ളത്തിലിട്ട് ഉടൻ തന്നെ തണുത്ത വെള്ളത്തിലിട്ടശേഷം തൊലി കളഞ്ഞു പൊടിയായി അരിഞ്ഞത് – രണ്ടു വലിയ സ്പൂൺ
ഉരുളക്കിഴങ്ങ് വേവിച്ചു ചതുരക്കഷണങ്ങളാക്കിയത് – അരക്കപ്പ്
3.മുട്ട – നാല്
ഉപ്പ്, കുരുമുളകുപൊടി – പാകത്തിന്
4.ചീസ് ഗ്രേറ്റ് ചെയ്തത് – കാൽ കപ്പ്
പാകം ചെയ്യുന്ന വിധം
∙എണ്ണ ചൂടാക്കി ചുവന്നുള്ളി ചേർത്തു വഴറ്റുക.
∙വഴന്നശേഷം ചുവന്നുള്ളി, തക്കാളി, ഉരുളക്കിഴങ്ങ് എന്നിവ ചേർത്തിളക്കി, ഏതാനും മിനിറ്റ് വേവിക്കുക.
∙മുട്ട ഉപ്പും കുരുമുളകുപൊടിയും ചേർത്തു നന്നായി അടിച്ചതു പച്ചക്കറികളുടെ മുകളിലേക്ക് ഒഴിക്കണം.
∙ചെറുതീയിൽ അനക്കാതെ വച്ച് ഓംലറ്റ് സെറ്റാക്കുക. ഇടയ്ക്കിടെ പാൻ മെല്ലേ ഇളക്കിക്കൊടുക്കുക.
∙അടിവശം ഇളംബ്രൗൺ നിറമായി മുകളിൽ സെറ്റായിത്തുടങ്ങുമ്പോൾ ചീസ് ഗ്രേറ്റ് ചെയ്തതു വിതറി, അടച്ചു വച്ചു വേവിക്കുക.
∙മെല്ലേ വിളമ്പാനുള്ള പാത്രത്തിലേക്കു മാറ്റുക.